نۇرلان ءالىمجانوۆ پەن جاسۇلان قىدىربايەۆ «جىل پاتريوتى» اتاندى

استانا. قازاقپارات - بۇگىن تاۋەلسىزدىك كۇنىنە وراي ۇيىمداستىرىلعان «مەنىڭ جولىم - نۇرلى جول» اتتى رەسپۋبليكالىق فورۋم بارىسىندا ەلىمىزگە ەسىمى تانىمال ءبىرقاتار ازامات «جىل پاتريوتى» قۇرمەت بەلگىسىمەن ماراپاتتالدى.

اتاپ ايتقاندا، بۇل قۇرمەت بەلگىسىنە بولاشاق ستيپەندياسىنىڭ يەگەرى دامەل مەكتەپبايەۆا، جوعارى بىلىكتى دارىگەر حيرۋرگ بولاتبەك بايماحانوۆ، پوليتسيا اعا سەرجانتى، ويىققا ءتۇسىپ كەتكەن اۆتوبۋستىڭ استىنان شىعۋعا تىرمىسىپ جاتقان ەر ادامدى قۇتقارۋ ءۇشىن ىستىق سۋعا تولى شۇڭقىرعا ويلانباستان سەكىرىپ كەتكەن رۋسلان نۇرعوجايەۆ، كەزەكتى ەڭبەك دەمالىسىندا جۇرسە دە، 15 مەترلىك سۋ بوگەتىنىڭ بۇزىلۋى سالدارىنان بولعان اپاتتان ادامداردى قۇتقارۋعا بەل شەشە كىرىسكەن ازامات رۋسلان رىسقۇلوۆ، تانىمال اكتەر، ءانشى نۇرلان ءالىمجانوۆ، قازاقستاندىق اۋىر اتلەتشى، قازاقتان شىققان اۋىر اتلەتيكادان تۇڭعىش الەم چەمپيونى جاسۇلان قىدىربايەۆ، 2009 - جىلدىڭ 29 - شىلدەسىندە پوليگوندا جاۋىنگەرلىك گراناتالاردى لاقتىرۋ جاتتىعۋ كەزىندە قولىنان گراناتانى ءتۇسىرىپ العان ساربازدى قۇتقارىپ، جاۋىنگەرلىك گراناتانى ءوز دەنەسىمەن جاپقان تيمۋر جۇقابايەۆ يە بولدى.

اۆتور: مارلان جيەمباي