قازاق حيرۋرگى جاساندى ادام تەرىسىن ءوسىرۋدى ويلاپ تاپتى
قابىلبەك ابۋعاليەۆ مال تەرىسىن پايدالانۋ ارقىلى جاڭادان ادام تەرىسىن ءوسىرىپ شىعارۋدىڭ جولىن تاپقان.
ونىڭ بۇل تىڭ جاڭالىعى وتاندىق مەديتسينادا كىشىگىرىم سەنساتسيا رەتىندە باعالانىپ وتىر.
ادامنىڭ دەنە جاراقاتىن جازۋ ءۇشىن قولدانىلاتىن بۇل ءونىم كادىمگى سيىردىڭ تەرىسىنەن الىنادى.
ارنايى بيولوگيالىق وڭدەۋدەن وتكەن سوڭ كۇيىك شالعان نەمەسە جاراقات العان جەرگە جاپسىرسا، ادام تەرىسى وزدىگىنەن ءوسىپ شىعادى. بۇل پرەپاراتتى جاساپ شىعارۋعا عالىم 3 جىلداي ۋاقىتىن جۇمساعان.
قازىرگە دەيىن 30 دان استام ادامعا تاجىريبە رەتىندە وتا جاسالىپ، بارلىعى ءساتتى اياقتالىپتى. ءتىپتى، دەنەدەگى جاراسى 10 جىلداپ جازىلماي جۇرگەن ناۋقاستار دا قۇلان-تازا ايىعىپ شىققان. ايتۋىنشا، ەگەر قولدانىسقا ەنەتىن بولسا، باعاسى دا ارزانعا تۇسپەك.
سۋ جاڭا دارىلىك ونىمگە ازىرگە «كسەنوگرافت» دەپ ات قويىلىپتى.
ەگەر جوبا مەملەكەت تاراپىنان قارجىلاندىرىلىپ جاتسا، بۇل دارىمەن بۇكىل ەلدى قامتۋعا بولادى، دەپ جازادى ك ت ك.
«زەرتحانالىق وڭدەۋ ارقىلى تەرىنىڭ قۇرامىنداعى مال جاسۋشالارى تۇگەل جويىلادى. ءسويتىپ، ادام تەرىسىنىڭ ءوسۋىن جىلدامداتاتىن زاتتار ەنگىزىلەدى. بۇل ءونىم دەنە جاراقاتىن سىرتقى ميكروبتاردان قورعاپ، اسقىنۋىن توقتاتىپ، جازىلىپ كەتۋىن جىلدامداتادى»، - دەيدى قابىلبەك ابۋعاليەۆ.
