اۋعانستاندا لي شياۋ لۇڭنان اۋمايتىن جىگىت تۇرادى- فوتو
بۇل - بريۋس ليدىڭ ءوزى ەمەس، ونىڭ اۋعانستانداعى ەگىزى. 20 جاستاعى جىگىتتىڭ ءتۇرى مەن ءىس- قيمىلىنا قاراپ، وسىلاي دەۋگە بولادى.
ابباستىڭ ءوزى «اۋعاندىق بريۋس ليمىن» دەيدى. مۇنىسى كوپىرمە ءسوز ەمەس، ول كۋنگ- فۋدىڭ اسقان شەبەرى. ءوز ۆيدەوسىن عالامتورعا سالعانى سول ەدى، بىردەن اتى شىعىپ، جەرگىلىكتى جۇلدىزعا اينالدى. ءبىراق ابباستىڭ ارمانى اسقاق. ول اناۋ- مىناۋ ەمەس، گولليۆۋدتىڭ ءوزىن باعىندىرعىسى كەلەدى.
ابباس اليزادا، كابۋل تۇرعىنى:
- مەن كەلەشەكتە بريۋس لي سياقتى تانىمال بولسام دەيىم. اۋعانستاندا عانا ەمەس، بۇكىل الەم مەنى تانىسا ەكەن. مەنىڭ باستى ماقساتىم - گولليۆۋد جۇلدىزى بولۋ.
تاليباننىڭ داۋرەنى ءجۇرىپ تۇرعان كەزدە، جەكپە- جەك ونەرىنە قاتاڭ تىيىم سالىنعان بولاتىن. ءبىراق تالىپتەر رەجيمى قۇلاعان سوڭ اۋعاندىقتاردىڭ سپورتقا دەگەن قىزىعۋشىلىعى ارتۋدا.
