استانا اۆتوبۋستارىندا كەلەر جىلدان باستاپ بەلەت ساتۋشى بولمايدى
«ءبىزدىڭ جوسپارىمىز بويىنشا، ازىرگە كوندۋكتورلار قالا بەرەدى. كەلەسى جىلى ءبىز ەلەكتروندى بيلەتتەردى ەنگىزگەن كەزدە ولار بىرتە- بىرتە شىعا باستايدى. ەلەكتروندى بيلەتتەردى كەزەڭ- كەزەڭىمەن ەنگىزۋدى 2015 - جىلدىڭ ناۋرىز ايىندا باستايمىز. جازدىڭ سوڭىنا دەيىن جۇيەنى تولىعىمەن ەنگىزبەكپىز»، - دەپ اتاپ ءوتتى ول.
ر. امانجولوۆتىڭ سوزىنە قاراعاندا، قوعامدىق كولىكتەردەگى ءجۇرۋ قۇنى جولاۋشىنىڭ ءجۇرىپ وتكەن مارشرۋت ۇزىندىعىنا بايلانىستى بولماق. ەڭ ۇزاق مارشرۋت 90 تەڭگەدەن اسپايدى. جولاۋشىلار شوتىنا ەلەكتروندى اقشا سالىناتىن ارنايى كارتانى ساتىپ الۋلارى ءتيىس.
«كارتالار تاريفتەلىنەدى. ياعني، ءجۇرىپ وتكەن جولىڭا عانا تولەيسىڭ، ەگەر قىسقا جولدى ءجۇرىپ وتسەڭىز 90 تەڭگەدەن از تولەيسىز. قوعامدىق كولىكتە تەگىن جۇرۋگە رۇقسات العان ادامدار بۇرىنعىداي اقىسىز جۇرە الادى»، - دەدى باسقارما باسشىسى.
«جول ءجۇرۋ قۇنى قايتا قارالمايدى. بيىل بيلەت باعاسى كوتەرىلگەن. ەندى ونىڭ دەڭگەيى قازىرگى بەلگىلەنگەن 90 تەڭگەدەن اسپايدى»، - دەپ اتاپ ءوتتى ر. امانجولوۆ.
اكىمدىكتىڭ باسپا ءسوز قىزمەتىنىڭ مالىمەتى بويىنشا، قالاداعى قوعامدىق كولىكتەر كۇنىنە 720 مىڭ ادامدى تاسىمالدايدى.
اۆتور: اسلان وسپانوۆ
