ن. نازاربايەۆ پەن ت. باح قازاقستاننىڭ حالىقارالىق وليمپيادا كوميتەتىمەن ىنتىماقتاستىعىنىڭ بولاشاعىن تالقىلادى

استانا. قازاقپارات - مەملەكەت باسشىسى نۇرسۇلتان نازاربايەۆ حالىقارالىق وليمپيادا كوميتەتىنىڭ پرەزيدەنتى توماس باحپەن تەلەفون ارقىلى سويلەستى. بۇل تۋرالى اقوردانىڭ باسپا ءسوز قىزمەتى حابارلادى.

اڭگىمە بارىسىندا قازاقستاننىڭ حالىقارالىق وليمپيادا كوميتەتىمەن ىنتىماقتاستىعىنىڭ قازىرگى احۋالى مەن بولاشاعى تالقىلاندى.

ت. باح قازاقستاندىق وليمپياداشىلاردىڭ سوڭعى جىلدارداعى تابىستارىنىڭ كورسەتكىشى بولىپ وتىرعان ەلىمىزدەگى سپورتتى دامىتۋ شارالارىنا جوعارى باعا بەردى.

الماتىنىڭ 2011 - جىلعى ازيا ويىندارىن جانە وزگە دە حالىقارالىق سپورتتىق شارالاردى ۇيىمداستىرۋداعى وڭ تاجىريبەسى اتاپ ءوتىلدى.

 مەملەكەت باسشىسى حالىقارالىق وليمپيادا كوميتەتىنىڭ 7-9 - جەلتوقساندا موناكودا وتكەن 127- سەسسياسىنىڭ تابىستى قورىتىندىلارىنا ريزاشىلىعىن ءبىلدىردى.