19:02, 11 - جەلتوقسان 2014 | GMT +5
دەنساۋلىق ساقتاۋ سالاسى قىزمەتكەرلەرى ءۇشىن قىزمەتتىك جاتاقحانا سالۋ مۇمكىندىگىن قاراستىرۋ قاجەت - ءا. جاقسىبەكوۆ
استانا. قازاقپارات - دەنساۋلىق ساقتاۋ سالاسىنىڭ قىزمەتكەرلەرى ءۇشىن جەرگىلىكتى بيۋدجەتتەن الەۋمەتتىك توپتامانى كەڭەيتۋ، قىزمەتتىك جاتاقحانالار سالۋ مۇمكىندىگىن قاراستىرۋ قاجەت، دەدى ەلوردا اكىمى ادىلبەك جاقسىبەكوۆ استانا قالاسى ءماسليحاتى وتىرىسىندا سويلەگەن سوزىندە.
«دەنساۋلىق ساقتاۋ سالاسىندا اۋرۋلاردىڭ الدىن الۋعا جانە بولدىرماۋعا، العاشقى مەديتسينالىق كومەك كورسەتۋ مەن ەمحانا قىزمەتتەرىنىڭ ساپاسىن ارتتىرۋعا باسىمدىق بەرىلۋى كەرەك.
بۇگىن قالادا بەلگىلى ءبىر دارەجەدە بىلىكتى مەديتسينالىق كادرلاردىڭ جەتىسپەۋشىلىگى بايقالادى. دەنساۋلىق ساقتاۋ سالاسىنىڭ قىزمەتكەرلەرى ءۇشىن جەرگىلىكتى بيۋدجەتتەن الەۋمەتتىك توپتامانى كەڭەيتۋ، قىزمەتتىك جاتاقحانالار سالۋ مۇمكىندىگىن قاراستىرۋ قاجەت»، - دەدى اكىم.
سونىمەن قاتار، قالا باسشىسى مەديتسينالىق كوللەدجدىڭ جاڭا تيپتىك عيماراتىن سالۋ ماسەلەسىن قاراستىراتىن ۋاقىت جەتكەنىن ايتتى.
