18:35, 11 - جەلتوقسان 2014 | GMT +5
ا ق ش جاڭا لازەرلىك قارۋدى سىناقتان وتكىزدى
استانا. قازاقپارات - ا ق ش- تىڭ اسكەري كۇشتەرى پارسى شىعاناعىندا جاڭا لازەرلىك قارۋدى سىناقتان ءساتتى وتكىزدى.
ەلدىڭ اۋە- تەڭىز كۇشتەرىنىڭ كونتر- ادميرالى مەتيۋ كلاندەردىڭ ايتۋىنشا، وپەراتسيا ويداعىداي اياقتالعان. شامامەن 40 ميلليون ا ق ش دوللارى تۇراتىن الىپ زەڭبىرەك پارسى شىعاناعىنداعى اسكەري كەمەگە ورناتىلعان.
كۇشى 30 كۆت ينفراقىزىل لازەر كوزدەلگەن نىساننىڭ باسقارۋ جۇيەسىن نىسانادان تايدىرىپ قانا قويماي، فيزيكالىق تۇرعىدان دا زاقىمدايدى. ماسەلەن لازەردى ءبىر رەت اتىپ، شاعىن كەمەنىڭ قوزعالتقىشىن نەمەسە دروندى جويۋعا بولادى. بيلىك وكىلدەرى بۇل قارۋدى قورعانىس سالاسىنداعى اسكەري كەمەلەرگە ورناتۋدى جوسپارلاپ وتىر. وعان قوسا، لازەردىڭ اڭدۋ جۇيەسى ءتونىپ تۇرعان قاۋىپتى انىقتاپ، كەمەنى قورعاي دا الادى.
