دونباستاعى سابيلەر قۇدايعا حات جازا باستادى

 استانا .قازاقپارات - ۋكراينانىڭ شىعىسىنداعى ساياسي قاقتىعىستاردى كوزىمەن كورگەن شاراسىز سابيلەر قۇدايعا حات جازىپ جاتىر، -  دەپ حابارلايدى «الاش ايناسى» باسىلىمى «شەكاراسىز ەۋروپا» ۇيىمىنىڭ ف ب- تەگى جەكە پاراقشاسىنا سىلتەمە جاساپ.

 ساياسي ۇيىم كەلتىرگەن مالىمەتكە سۇيەنسەك، ۋكراينانىڭ شىعىسىنداعى قاقتىعىستار كەسىرەنەن 122 623 بالا ءوز ءۇيىن تاستاپ كەتۋگە ءماجبۇر بولعان.

 «شەكاراسىز ەۋروپا» ۇيىمى اسكەري قاقتىعىستار سالدارىنان سول 122 623 بالانىڭ 60 پايىزى پسيحولوگيالىق سوققى العانىن جازادى. ولاردىڭ 18 پايىزى قيان- كەسكى سوعىستى ءوز كوزدەرىمەن كورىپ، تاعى دا 10 پايىزىنىڭ كوزىنشە تۋىستارى مەن جاقىندارى ولتىرىلگەن.

«مەن جازىپ وتىرعان حاتىما جۇگەرىنىڭ سۋرەتىن سالعىم كەلەدى. ءبىز بيىل جۇگەرىنى مولداۋ ەگىپ، ونىڭ ءونىم بەرۋىن كۇتىپ جۇرگەن بولاتىنبىز. بىلتىرعى جىلى بيىلعىداي اسا كوپ جۇگەرى ەكپەگەن ەدىك. ءبىراق، امال نە، ءبىز (ءونىمدى الماي جاتىپ) اۆتوبۋسقا ءمىنىپ، تەڭىزگە كوشۋگە ءماجبۇر بولدىق. مەنىڭ ءۇيىمدى قاپ- قارا بانديتتەر اتقىلاپ جاتىر. مەن ولاردان قاتتى قورقامىن، تۇندە ۇيىقتاپ جاتقانىمدا ولار شۋلايتىن. مەنىڭ ەندى قورىقپاۋىم ءۇشىن انام، اعام ۇشەۋمىز كوشىپ كەتتىك. مىنا جەر ماعان ۇنايدى، ءبىراق ءوز ۇيىمە كەتكىم كەلەدى. ول جەردە مەنىڭ چار اتتى ءيتىم قالدى، ءبىز تاياقشا لاقتىرىپ ويناۋشى ەدىك. مەن تاياقشانى لاقتىرىپ جىبەرەم، ول بولسا، لەزدە اكەپ بەرەدى. چار ءبىزدىڭ ەگىس القابىمىزدى كۇزەتەتىن، ءبىراق ول جۇگەرىنىڭ قانداي ءدامدى ەكەنىن بىلمەيدى عوي، ەگەر بىلسە.. . مەن اكەمە بارعىم كەلەدى. ودان جۇگەرى القابىن سۇراعىم كەلەدى. بانديتتەر ءبىز جاقتا تۇراقتاپ قالماسىنشى.. .» .

ناستيا، 4 جاستا، سلاۆيانسك

 «مەن انامدى، اكەمدى، سىردى، دوپتى، جۇمىرتقانى، دوڭگەلەك كۇندى جاقسى كورەمىن. مەنىڭ ليۋسيا دەگەن دوسىم بار. ول -  قىز، ول الىستاعى ساياجايدا تۇرادى، ول بارىنە ۇرە بەرەدى. ونى تيگريك تىرناپ الدى. وكىنىشتى، ولار قازىر تىم الىستا. مەن ءوز ءيتىمدى قاتتى ساعىندىم. ليۋسا مەن تيگريك مىسىعىمدى. ولار ساياجايدا اجەم مەن اتاممەن قالدى. ءبىزدىڭ اۋىلدا سوعىس بولىپ جاتىر، سول ءۇشىن كەتىپ قالدىق. قاشان ادامدار ءبىر- ءبىرىن اتادى، سوعىس دەگەن سول. «بابايكا» شىعادى دا ولاردى قاپقا سالىپ، ورمانعا اپارىپ تاستايدى، ولار ەشقاشان دا قايتادان كەلەر جولدى تاپپايدى» .

ۆيكا، 4 جاستا، كراماتورسك

 «مەندە ادەمى كوستيۋم مەن سيقىرلى تاياقشا بولسا عوي دەپ ارماندايمىن. سول ارقىلى ءوز ۇيىمە كەلگەندە اتىستىڭ داۋىسىن ەستىمەسەم عوي. ءبىز تىم بولماسا قىسقا دەيىن سوندا ءومىر سۇرگىمىز كەلگەن، ءبىراق مۇمكىن بولمادى. اكەم، ءىس ساپارعا كەتتى، ول ءبىزدىڭ ارتىمىزدان مىندەتتى تۇردە كەلەدى. ول اسكەري كيىمدى اۋىستىرىپ كيەدى جانە اعاشتىڭ باسىنا ورمەلەي الادى. انام، مەن، قارىنداسىم ءبارىمىز بىرگە بولساق قوي.. . اكەمدى قاتتى ساعىندىم. نەگە سوعىس بولادى، ەگەر ۇشاقتاردى، پيستولەتتەردى الىپ الساق بالكىم.. . ءيا، تەك سولاي ىستەۋ كەرەك. مەن ءتىپتى اسپاندا اق ۇشاقتىڭ قالاي ۇشقانىن كوردىم. ول تەڭىزگە، دەمالۋعا بولاتىن جاققا قاراي ۇشتى. ول جەردە ادامدار وتىردى. مەن ولاردىڭ ۇرىسپاعانىن قالايمىن» .

داشا، 4 جاستا، دونەتسك وبلىسى، چەريەۆكوۆكا اۋىلى

 «مەن سوعىس بولماعانىن، قالامىزدى قانىپەزەر ادامداردىڭ اتقىلاماعانىن قالايمىن. قالاما قايتىپ بارعىم كەلەدى. بارلىق ارماندارىم ورىندالسا عوي. كەمەمەن، پاروۆوزبەن قىدىرعىم كەلەدى. ءوز ۇيىمدەگىدەي ەكى دوڭگەلەكتى ۆەلوسيپەد تەپكىم كەلەدى» .

دەنيس، 7 جاستا، سلاۆيانسك

 «قۇداي، مەن اناما بارعىم كەلەدى، ءبىراق ول جاقتا سوعىس بولىپ جاتقاندىقتان، مەن وعان بارا المايمىن. قۇدايىم، سەن سوعىستى بولعىزباي تاستاشى» .

دانيل، 13 جاستا، ماريۋپول

 «قىمباتتى، قۇداي، مەن ساعان ءومىرىم ءۇشىن، ماعان دەگەن ماحابباتىڭ ءۇشىن راحمەت ايتامىن. ءوزىمنىڭ ءماريۋپولىم ءۇشىن، ونداعى سوعىستىڭ ءبىتۋى ءۇشىن، اجەمنىڭ دەنساۋلىعى مىقتى بولۋى ءۇشىن سەنەن تىلەك تىلەيمىن. الەمدەگى بارلىق ادامدى قامقورلىعىڭا الشى، وتىنەمىن.. .» .

ساشا، 13 جاستا، ماريۋپول

«الاش ايناسىنىڭ» ءتۇيىنى

ساياسي ويىنداردىڭ وشاعىنداعى وتتى كىشكەنە سابيلەردىڭ قولىمەن كوسەۋ جاقسىلىقتىڭ نىشانى ەمەس. دەسە دە مىنا حاتتار كەز- كەلگەن ادامدى ويلاندىرادى دەپ ويلايمىز. ەل مەن جەرىمىز تىنىش بولۋى ءۇشىن ءبىز دە قۇدايدان تەك بەيبىت كۇننىڭ شۋاعىن تىلەيىكشى- ءا! ءسىز نە دەيسىز؟