قىتاي تەڭىزدى باقىلاي الاتىن اتوم قۇرىلعىسىنا تۇڭعىش رەت قول جەتكىزىپ وتىر

استانا. قازاقپارات - قىتاي يادرولىق قارۋ- جاراعىنىڭ قۋاتىن ارتتىرىپ جاتىر. جانە بۇل ەلدىڭ جاڭا قۋاتى ماسكەۋ مەن ۆاشينگتوندى الاڭداتىپ وتىر. قىتاي ءوزىنىڭ يادرولىق قارۋ جاساۋ تاريحىندا العاشقى سوققىعا توتەپ بەرەتىن مۇمكىندىك الدى دەگەن امەريكالىق اسكەري ساراپشىلار پىكىرىن «ۆزگلياد» باسىلىمى جاريالاپتى.

 ساراپشىلار، بۇل جايت پەنتاگوندى ۇرەيلەندىرىپ، ا ق ش- تىڭ قىتاي يادرولىق باعدارلاماسىنا دەگەن كوزقاراسىن وزگەرتۋگە يتەرمەلەيدى دەگەن ويدا. جىل سوڭىنا دەيىن رەسمي بەيجىڭ تەڭىزگە سۋ استى اتوم كرەيسەرىن جىبەرمەك. سۋ جاڭا كەمەگە ورناتىلعان بالليستيكالىق زىمىراندار ا ق ش جاعالاۋلارىنا دەيىن جەتۋگە قاۋقارلى.

 امەريكالىق ساراپشىلار وسىلايشا قىتاي تەڭىزدى باقىلاي الاتىن اتوم قۇرىلعىسىنا تۇڭعىش رەت قول جەتكىزىپ وتىرعانىن ايتۋدا. امەريكا تاراپى اسپان استى ەلىندە قانشا اتوم زىمىرانى بارىن ەسەپتەي الماي وتىرعان كورىنەدى. قىتاي يادرولىق باعدارلاماسى جابىق بولعاندىقتان، قۇراما شتاتتار اسكەريلەرىندە ناقتى سان جوق. قىتايدىڭ قولىنداعى بالليستيكالىق سناريادتار سانى 200-240 دانا بولسا دا، ول الەمدەگى يادرولىق قۋاتى جوعارى ءۇشىنشى ەلگە اينالا الادى، دەپ سانايدى رەسەي قورعانىس مينيسترلىگىنىڭ بۇرىڭعى قىزمەتكەرى ۆلاديمير دروۆكين.

«استانا» تەلەارناسى