الەمدە يادرولىق قارۋ ءبىرشاما قىسقارعانىمەن، دۇنيەدەگى ەڭ جويقىن قارۋدىڭ مولشەرى ءالى دە كوپ - ب. سادىقوۆ
بۇگىن ورتالىق كوممۋنيكاتسيالار قىزمەتىندە وتكەن بريفينگتە ق ر سىرتقى ىستەر مينيسترلىگىنىڭ ايرىقشا تاپسىرمالار جونىندەگى ەلشىسى بارلىباي سادىقوۆ وسىلاي مالىمدەدى.
بريفينگ «اتوم» جوباسى جانە قازاقستان پرەزيدەنتىنىڭ يادرولىق قارۋسىزدانۋ سالاسىنداعى باستامالارىن ىلگەرىلەتۋ» تاقىرىبىنا ارنالعان بولاتىن.
«تەرروريزمنىڭ قىلاڭ الۋى، ەكونوميكالىق جاعدايدىڭ ناشارلاۋى، ەكولوگيا، سۋ، ەنەرگەتيكالىق جانە باسقا دا قاۋىپتەرمەن قاتار، الەمدە يادرولىق، حيميالىق، باكتەرولوگيالىق قارۋدى پايدالانۋ مۇمكىندىگىنەن اراشالاۋ وزەكتىگىنەن ەش ايىرىلعان ەمەس. يادرولىق قارۋعا تىيىم سالۋ حالىقارالىق كۇن تارتىبىندەگى ەڭ وزەكتى ماسەلەلەر قاتارىندا تۇر. مۇنداي جويقىن قىرىپ- جويۋ قارۋىنىڭ سانى سوڭعى ۋاقىتتا ءبىرشاما قىسقارعانىمەن، دۇنيەدەگى ەڭ جويقىن، جويعىش قارۋدىڭ مولشەرى ءالى دە كوپ. ماسەلەن، ونىڭ مولشەرى ارنايى نەمەسە بايقاۋسىزدا قولدانعان جاعدايدا قىسقا عانا مەرزىمدە دۇنيە جۇزىندەگى بارلىق تىرشىلىكتى جوق قىلۋعا جەتكىلىكتى»، - دەيدى ب. سادىقوۆ.
ونىڭ ايتۋىنشا، ەلباسى ن. نازاربايەۆتىڭ ادامزات بالاسىن يادرولىق قارۋدان ارىلتۋ مەن جاپپاي قىرىپ- جويۋ قارۋىنىڭ تارالماۋىنا باعىتتالعان ساياساتى حالىقارالىق قاۋىمداستىق نازارىنا ىلىگىپ، قازاقستاننىڭ كوشباسشىلىق ءرولىن تانىتىپ وتىر. بۇل رەتتە س ءى م وكىلى ەلباسىنىڭ سوڭعى باستامالارى اراسىنان «اتوم» جوباسىن ەرەكشە اتاپ ءوتتى. ونىڭ سوزىنە قاراعاندا، بۇنداي وزەكتىلىگى جوعارى باستامالار پروگرەسسيۆتى ادامزات تاراپىنان ۇدايى قولداۋعا يە بولا بەرمەك.
بۇگىنگى تاڭدا قازاقستان جاھاندىق يادرولىق قاتەردى بولدىرماۋدىڭ قاجەتتىلىگىندە ناقتى شارالار قابىلداۋ بويىنشا قاتاڭ ۇستانىمدى قولدايدى. سەمەي يادرولىق سىناق الاڭىندا 1945-1989 - جىلدار ارالىعىندا 500 گە تارتا جەراستى، جەرءۇستى جانە اۋە كەڭىستىگىندەگى يادرولىق سىنىقتار جاسالعانىن.
سول تۇرعىدان العاندا سەمەي يادرولىق پوليگونىن جابۋ قازاقستاننىڭ عانا ەمەس، ادامزات تاريحىنداعى جارقىن جاڭعىرىققا اينالدى.
اۆتور: قانات مامەتقازى ۇلى 
