يران پرەزيدەنتى: مۇناي باعاسىن ءتۇسىرۋ ادەيى كەلىسىلگەن

استانا. قازاقپارات- يران پرەزيدەنتى حاسان روۋحاني مۇناي باعاسىن ءبىرقاتار ەلدەر ءسوز بايلاسىپ تومەندەتتى دەپ سانايدى. بۇل تۋرالى ول مينيسترلەر كابينەتىمەن كەزدەسۋدە مالىمدەدى،

 دەپ حابارلايدى «ر ي ا نوۆوستي» .

 روۋحاني ەل ۇكىمەتىنە ەكونوميكالىق جاعدايدى قولعا الىپ، كەلەر جىلعى بيۋدجەتتىڭ مۇناي باعاسىنا تاۋەلدى بولماۋىن قاراستىرۋدى تاپسىردى. سونداي- اق، ول مەملەكەتتىڭ تەمىرجول جانە اۆياتسيالىق ترانسپورت الەۋەتىن، ترانزيتتىك مۇمكىنشىلىكتەرىن بەلسەندىرەك قولدانۋعا شاقىردى.

 سونىمەن قاتار، يران و پ ە ك ەلدەرىنىڭ باعانى بەلگىلەۋ بويىنشا «تايتالاستارىنا» قاراماستان، مۇناي ءوندىرۋ كولەمىن ۇلعايتۋدى كوزدەپ وتىر. وتكەن اپتادا ساۋد ارابياسىنىڭ «Saudi Aramco» (ساۋدي ارامكو) مەملەكەتتىك كومپانياسى ا ق ش پەن ازياعا الداعى جىلدىڭ قاڭتارىنا مۇنايعا رەكوردتىق جەڭىلدىكتەر جاساعان. ماسەلەن، ازياعا بەرىلگەن جەڭىلدىك باررەلىنە 2 دوللاردى قۇراماق.

 ال امەريكالىقتارعا «Basrah Light» (باسرا لايت) مۇناي ماركاسى 30 پايىزدىق جەڭىلدىكپەن ساتىلۋدا. ءوز كەزەگىندە ەۋروپالىلىقتار دا تاپسىرىس مولشەرىن ۇلعايتقان.

 ايتا كەتەيىك، 27 - قاراشادا و پ ە ك مۇناي ءوندىرۋ كۆوتاسىن كۇنىنە 30 ميلليون بارەلگە دەيىن وندىرۋگە رۇقسات بەرگەن بولاتىن. بۇدان كەيىن الەمدىك مۇناي باعاسى كۇرت قۇلدىراپ كەتتى.

«استانا» ارناسى