جالقاۋلىق پەن قىڭقىلداۋدى تىياتىن سوزدەر
2. ءبي - كولدەنەڭ تىلەكتىڭ تىك سۇلباسى.
3. جەك كورۋشىلىك - قورقاقتىڭ ۇرەيلەنگەنى ءۇشىن العان كەگى.
4. ءوزىڭ جاساماعان باقىتتى تۇتىنۋعا قاقىڭ جوق.
5. ناعىز كۇيەۋ - مەنىڭ ايەلىم كەرەمەت دەپ ويلايتىن ازامات.
6. جالعىزدىقتى كوتەرە ءبىلۋ جانە ودان ءلاززات الۋ - ۇلى قاسيەت.
7. شىنايى بولۋ قاۋىپتى ەمەس، ونىڭ ۇستىنە ازداپ اقىماق بولساڭىز ەش ايىبى جانە جوق.
8. ءسىزدى اسىپ قويعىسى كەلەتىن ادامداردى كۇلدىرتە ءبىلۋ دە ونەر.
9. ەتەنە جاقىنىڭا قاتىستى ەڭ ۇلكەن كۇنا ونى جەك كورۋ ەمەس، وعان دەگەن بەيتاراپتىق. ادامدىقتان كەتۋدىڭ بيىك شىڭى سول.
10. ايەلدەر ءبىزدىڭ كىممەن كوزىنە ءشوپ سالۋعا دايىن ەكەنىمىزدى بىردەن سەزىپ قويادى. كەيدە ءتىپتى ءوزىمىزدىڭ باسىمىزعا كەلمەي تۇرىپ.
11. «قوش بول» دەگەندى وتىز اۋىز سوزگە سىيدىرا الاتىن ايەل جوق.
12. قۇمارى شەكسىز ايەلمەن تۇرۋ ءىش پىستىراتىن ايەلمەن قوسىلۋدان جەڭىل. كەيدە ولاردى بۋىندىرىپ جاتادى. ءبىراق سيرەك تاستاپ كەتەدى.
13. ىشىمدىك - ءومىر اتتى وتاعا توزۋگە ءال بەرەتىن انەستەزيا.
14. ءومىردى وبەكتيۆتى قابىلداۋدى ولاي ەتە المايتىندار ارسىزدىق دەپ باعالايدى.
15. قولىنان ءىس كەلەتىن ادام سونى جاسايدى. كەلمەيتىندەر وزگەلەرگە ۇيرەتەدى.
16. جاقسى كورگەنىڭىزگە قول جەتكىزىڭىز، ايتپەسە قولعا تيگەنىن جاقسى كورۋگە ءماجبۇر بولاسىز.
17. قارتايۋ ءىش پىستىرارلىق، ءبىراق ۇزاق ءومىر ءسۇرۋدىڭ جالعىز ءتاسىلى سول.
18. تاريحتان الار جالعىز ساباق، ادامدار تاريحتان ەش ساباق المايتىندىعىندا.
19. گازەت - ۆەلوسيپەدتەن قۇلاۋ مەن وركەنيەتتىڭ قۇلدىراۋىنان ەش ايىرماشىلىق كورمەيتىن باسپا ءونىمى.
20. دەموكراتيا - بۇل اۋە شارى، جۇرت سونى تاماشالاپ تۇرعاندا، وزگەلەر قالتا اقتارىپ ۇلگەرەدى.
21. ەگەر مەنىڭ قولىمدا ءبىر الما، ءسىزدىڭ قولىڭىزدا ءبىر الما بار دەلىك، سول المالاردى الماستىرساق، قولىمىزدا ءبىر المادان قالماق. ال، ەگەر مەنىڭ يدەيام مەن ءسىزدىڭ يدەياڭىزدى الماستىرساق، ەكەۋمىزدە دە ەكى يدەيادان بولماق.
22. ساۋ سانا مەن ەڭبەكسۇيگىشتىك دارىننىڭ جوقتىعىن جوقتاتپايدى. وندا قالاي تالانتپەن عانا باسىپ وزام دەيسىز؟ اقىماقتىقپەن موينىڭىز ءۇزىلىپ كەتپەسىن.
23. اتاق پەن داڭق ەل الدىندا ەڭبەگى ونسىزدا ەرەن ادامدارعا بەرىلەدى، ءبىراق سونى ەل ءبىلسىن دەۋ ءۇشىن ويلاپ تابىلعان.
24. ادام - كىرپىش سياقتى: كۇيگەن سايىن قاتايا بەرەدى.
25. رەپۋتاتسيا دەگەن بەتپەردە، ونى ادام شالبار نەمەسە شاپان كيگەندەي كيىپ جۇرەدى.
26. تابيعات بوس كەڭىستىك قالدىرمايدى: ادام شىندىقتى بىلە الماعان تۇستى بولجاممەن تولتىرادى.
27. سانالى ادام ومىرگە بەيىمدەلەدى؛ ساناسىز الەمدى وزىنە بەيىمدەگىسى كەلەدى. سوندىقتان پروگرەسس ساناسىزدارعا تاۋەلدى.
28. بۇگىنگى قوعام ءۇشىن ءومىر تۋرالى تۇجىرىم-تولعامى جوق بايلار يمانى جوق ايەلدەردەن دە قاۋىپتى.
29. اۋەدە قۇستاي زىرلاۋدى، سۋدا بالىقتاي ءجۇزۋدى ۇيرەندىك، ەندى تەك جەر بەتىنە ادام سياقتى ءومىر ءسۇرۋدى ۇيرەنۋ عانا جەتپەي تۇر.
بەرنارد شوۋ
اۋدارعان شىنار ءابىلدا
blogtime.kz
