قىزىلوردا وبلىسى قىتايمەن بايلانىس ورناتتى

قىزىلوردا. قازاقپارات - قىزىلوردا وبلىسىنىڭ ءبىر توپ دەلەگاتسياسى قىتاي حالىق رەسپۋبليكاسىندا جۇمىس ساپارىمەن بولدى.

دەلەگاتسيانى قىزىلوردا وبلىسىنىڭ اكىمى ق. كوشەربايەۆ باستاپ باردى.

ايماق باسشىسى نيڭشيا اۆتونومدى ولكەسىنىڭ گۋبەرناتورى ليۋ حۋەيمەن كەزدەسىپ، ساۋدا- ەكونوميكالىق ىنتىماقتاستىقتى دامىتۋعا بايلانىستى مەموراندۋمعا قول قويدى. بۇل تۋرالى وبلىستىق اكىمدىكتىڭ باسپا ءسوز قىزمەتى حابارلادى.

ەكى ءوڭىردىڭ بايلانىسى قازاقستان- قىتاي اراسىنداعى دوستاستىقتى ارتتىرا تۇسپەك. بۇل بايلانىس قوس تاراپ ءۇشىن دە مول مۇمكىندىك بەرەدى. وبلىس اكىمى ق. كوشەربايەۆ  قىزىلوردانىڭ دامۋ كەلەشەگى تۋرالى بايانداپ، الداعى جوسپارلارىمەن ءبولىستى.

ساپار بارىسىندا قىزىلوردالىق دەلەگات نيڭشيا اۆتونومدى ولكەسىندەگى ءىرى كاسىپورىنداردى ارالاپ كوردى. اسىرەسە، مەتاللۋرگيا سالاسىندا جۇمىس جاساپ جاتقان وندىرىستەرگە ەرەكشە نازار اۋداردى.

سونىمەن قاتار، قىتايلىقتار يندۋستريالدى ايماق، مۇناي- حيميا كەشەنى باعىتىنداعى تاجىريبەلەرىمەن ءبولىستى. الداعى ۋاقىتتا ەكى ءوڭىر الەۋمەتتىك-ەكونوميكالىق ارىپتەستىك بايلانىستا تىعىز جۇمىس جاساۋعا نيەتتى ەكەندىكتەرىن ءبىلدىردى.

اۆتور: ەلۋباي اۋەزوۆ