قازاقستان مەن فرانسيا عارىش سالاسىنداعى ىنتىماقتاستىعىن نىعايتۋدا
اتاپ ايتقاندا، نۇرسۇلتان نازاربايەۆ پەن فرانسۋا وللاندىڭ قاتىسۋىمەن قازاقستان رەسپۋبليكاسىنىڭ ۇكىمەتى مەن فرانسيا رەسپۋبليكاسىنىڭ ۇكىمەتى اراسىندا جەردى قاشىقتىقتان زوندتاۋ عارىشتىق جۇيەسىن جانە عارىش اپپاراتتارىن قۇراستىرۋ مەن سىناۋ كەشەنىن قۇرۋ جانە ونى پايدالانۋ شارتتارى تۋرالى 2009 - جىلعى 6 - قازانداعى كەلىسىمگە وزگەرىستەر مەن قوسىمشالار ەنگىزۋ تۋرالى حاتتاماعا قول قويىلدى.
قۇجاتقا فرانسيانىڭ قازاقستانداعى توتەنشە جانە وكىلەتتى ەلشىسى فرانسيس ەتەن مەن ق ر ينۆەستيتسيالار جانە دامۋ مينيسترلىگى ايروعارىش كوميتەتىنىڭ ءتوراعاسى تالعات مۇسابايەۆ رۇقساتناما قويدى.
سونىمەن قاتار «قازاقستان عارىش ساپارى» ۇ ك» ا ق مەن Airbus Defence and Space اراسىندا ءوزارا تۇسىنىستىك تۋرالى مەموراندۋمعا قول قويىلدى. مەموراندۋمعا قول قويعاندار «قازاقستان عارىش ساپارى» ۇ ك» ا ق پرەزيدەنتى م. ا. مارات نۇرعوجين مەن Airbus Defence and Space- ءتىڭ اعا ۆيسە- پرەزيدەنتى لاپپورت ۆەيۆادا بولدى.
«قازعارىشتا» اتالمىش كەلىسىمدەردىڭ ماقساتتارى مەن مىندەتتەرى تۋرالى ايتا وتىرىپ، «بۇل ەكى قۇجات تا ق ر- دا جەردى قاشىقتىقتان زوندتاۋ عارىش جۇيەسىن قۇرۋدىڭ بىرىككەن جوبالارىن جۇزەگە اسىرۋ بويىنشا ءارى قارايعى ىنتىماقتاستىقتى دامىتۋ، استانادا عارىش اپپاراتتارىن قۇراستىرۋ- سىناۋ كەشەنىن سالۋ ماقساتىندا قابىلدانعانىن» اتاپ ءوتتى.
ەستەرىڭىزگە سالا كەتەيىك، قازىر وربيتادا جوعارى (1 م) جانە ورتاشا (6,5 م) كەڭىستىكتىك سيپاتتاعى جەردى قاشىقتىقتان زوندتاۋدىڭ ەكى قازاقستاندىق عارىش اپپاراتى جۇمىستار جۇرگىزۋدە، ولاردى فرانسۋزدىق Airbus Defence and Space كومپانياسى جاساعان.
قازىرگى كەزدە ج ق ز جەرسەرىكتەرىن وربيتادا سىناۋ جۇرگىزىلىپ جاتىر، مۇنى قازاقستاندىق ماماندار باقىلاۋدا. ال استانادا ۇلتتىق عارىش ورتالىعىندا عارىش اپپاراتتارىن قۇراستىرۋ- سىناۋ كەشەنىنىڭ قۇرىلىسى باستالدى.
