سەناتور ن. ورازالين جۋرناليستەردى باسپانامەن قامتۋ ماسەلەسىن تاعى كوتەردى
ەسكە سالا كەتەيىك، بۇعان دەيىن دەپۋتات وسى تۋرالى ۇكىمەت باسشىسىنىڭ اتىنا دەپۋتاتتىق ساۋال جولداعان ەدى.
«بىرىنشىدەن، «قولجەتىمدى باسپانا» باعدارلاماسىنا نەگىزىنەن بيۋدجەتتىك مەكەمە قىزمەتكەرلەرى عانا كىرەدى. ال قوعامدىق ۇيىمداردا قىزمەت ەتەتىن، مەملەكەتىمىزگە پايدالى ەڭبەك ەتىپ جاتقان ازاماتتارىمىز قانشاما؟ ولاردىڭ بارلىعى بىردەي باعدارلاما بويىنشا قولجەتىمدى باسپاناعا قۇقىعى بولماي جاتادى. ەكىنشىدەن، جۋرناليستەر، قالامگەرلەر، ونەر ادامدارى ءدال وسى كەدەرگىدەن اقاۋلىق كورىپ ءجۇر. جۋرناليستەر قاۋىمىنىڭ باسىم بولىگى ءۇيسىز- كۇيسىز» ، - دەدى دەپۋتات ن. ورازالين.
سونىمەن قاتار، دەپۋتات تالقىلانىپ وتىرعان زاڭ جوباسىندا اتالعان ەكى ازاماتتار ساناتىنا قاتىستى نورمانىڭ قامتىلماعانىنا قىنجىلىس ءبىلدىردى.
«تاعى يدەولوگيالىق تۇرعىدان الاتىن بولساق، قولىنا قالام ۇستاعان جۋرناليستەر قاۋىمى، مەملەكەتتىك اقپارات قۇرالدارىنىڭ قالامگەرلەرىن باسپانامەن قامتۋ بۇگىن شەشىلمەسە، كەلەشەكتە دە شەشىمىن تاپپاي جۇرە بەرەدى. ال بۇنىڭ ءوزى ەلىمىزدەگى يدەولوگيالىق ارنانىڭ السىرەۋىنە، ونىڭ ويداعىداي جۇمىس جاساماۋىنا اكەپ سوعۋى ىقتيمال. ءبىز ءوزىمىزدىڭ جۋرناليستەرىمىزدىڭ ءسوزى ورنىقتى بولۋى ءۇشىن ولارعا مەملەكەت تاراپىنان قامقورلىق جاساپ وتىرۋىمىز كەرەك» ، - دەدى نۇرلان ورازالين.
اۆتور: قانات مامەتقازى ۇلى
