قازاق ونەرىنىڭ ساڭلاقتارى: مۇرات ءابۋعازى

استانا. قازاقپارات - ق ر مادەنيەت قايراتكەرى، قۇرمانعازى اتىنداعى قازاق ۇلتتىق كونسەرۆاتورياسىنىڭ اعا وقىتۋشىسى، دومبىراشى، كۇيشى- زەرتتەۋشى.

1974 - جىلى 5 - جەلتوقساندا تارباعاتاي اۋدانى (بۇرىنعى سەمەي وبلىسى، اقسۋات اۋدانى) اقسۋات اۋىلىندا دۇنيەگە كەلگەن.

1990-1994 - جىلدارى پ. ي. چايكوۆسكي اتىنداعى الماتى مۋزىكا ۋچيليشەسىن قازاقستان رەسپۋليكاسىنىتس «ءبىلىم بەرۋ ءىسىنىڭ ۇزدىگى»، ۇستاز ق. راقىشەۆانىڭ كلاسىندا وقىعان. 1994-1999 - جىلدارى قۇرمانعازى اتىنداعى قازاق ۇلتتىق كونسەرۆاتورياسىندا، پروفەسسور ا. توقتاعاننىڭ كلاسىنان ءدارىس العان.

رەسپۋبليكالىق كونكۋرستاردىڭ لاۋرەاتى. بىرنەشە وقۋ-مەتوديكالىق كىتاپتاردىڭ اۆتورى. «قۇرمانعازى» (2005)، «تاتتىمبەت جانە ارقا كۇيلەرى» (2005)، «سۇگىر. قاراتاۋ شەرتپەسى» (2006)، «سارى ارقا اندەرى» (2008)، «شىعىستىڭ شىڭىراۋ كۇيلەرى» (2010) نوتالار جيناقتارىن قۇراستىرىپ شىعارعان.

حالىقارالىق عىلىمي-پراكتيكالىق كونفەرەنتسيالارعا قاتىسىپ، «شىعىس قازاقستان، التاي- تارباعاتاي كۇيشىلىك ونەرى» جونىندە وقىعان باياندامالارى عىلىمي ماقالالار جيناعىندا جارىق كورگەن.

كۇيشى-ورىنداۋشى رەتىندە ءداستۇرلى مۋزىكا فەستيۆالدەرى، رەسپۋبليكالىق تەلەارنالار ارقىلى كۇيشىلىك ونەردى ناسيحاتتاپ، ەڭبەك ەتىپ كەلەدى. ورىنداعان كۇيلەرى قازاق راديوسىنىڭ التىن قورىنا ەنگەن. ق ر ءبىلىم بەرۋ ءىسىنىڭ ۇزدىگى.