موبيلدى تەلەفوندار دەنساۋلىق ءۇشىن زيان ەمەس

استانا. قازاقپارات - مانچەستەر ۋنيۆەرسيتەتى عالىمدارىنىڭ ايتۋىنشا، موبيلدى تەلەفوندار مەن ەلەكتر تاسىمالداۋ جەلىلەرىنەن بولاتىن ەلەكتروماگنيتتىك ساۋلەلەنۋ ادام دەنساۋلىعىنا زيان كەلتىرمەيدى.

عالىمدار موبيلدى قۇرالداردىڭ ەلەكتروماگنيتتىك ءورىسىنىڭ بەدەۋلىك جانە وبىر اۋرۋلارىن تۋدىراتىنى، سونداي-اق بالالار لەيكەمياسىنا سوقتىراتىنى تۋرالى گيپوتەزانى تەكسەرۋگە تىرىستى. بۇل ورىستەر ادام اعزاسىنداعى ومىرلىك ماڭىزدى اقۋىزداردى زاقىمدايدى دەپ ەسەپتەلەدى.

مانچەستەرلىك حيميكتەر ءالسىز ماگنيتتى ءورىستىڭ (ءا م ءو) فلاۆوپروتەيندەر - جۇيكە جۇيەسىن باسقارۋدا جانە د ن ق- نى قالپىنا كەلتىرۋدە ماڭىزدى ورىن الاتىن اقۋىزعا تيگىزەتىن اسەرىن زەرتتەدى. ساۋلەلەنۋ ولاردىڭ قىزمەتىنە ەش اسەر ەتپەيتىنى انىقتالدى، دەپ حابارلايدى Lenta.ru.

ارينە، قوسىمشا زەرتتەۋلەر جاساۋ قاجەت، الايدا اتالعان جۇمىس ناتيجەسىندە ەلەكتر تاسىمالداۋ جەلىلەرى، موبيلدى تەلەفوندار جانە ولارعا ۇقساس قۇرالداردىڭ ادام ءۇشىن قاۋىپسىز ەكەنىن جەتكىلىكتى اشىقتىقپەن ايتۋعا بولادى، دەپ مالىمدەدى ماقالانىڭ تاعى ءبىر اۆتورى نايدجەل سكراتتون.

دارىگەرلەر، سوندا دا، ءموبيلدى تەلەفونمەن كوپ سويلەسۋدەن اۋلاق بولۋعا كەڭەس بەرەدى.