مۇحاممەد ءالي اناسىن قالاي قورعاپ قالدى؟

استانا. قازاقپارات - ۇلى بريتانيانىڭ بيرمينگەم قالاسىندا تۇراتىن ءارى اتى اڭىزعا اينالعان مۇحاممەد ءاليدىڭ قۇرمەتىنە ەسىمى قويىلعان التى جاستاعى بالا ۇلتتىق قاھارمان اتاندى.

بۇعان ونىڭ اناسىن توناۋشىلاردان اناسىن قورعاپ قالعانى سەبەپ بولدى.

بۇل جايىندا Metro اقپارات كوزى حابار تاراتتى. قارۋلى توپ ۇيلەرىنە باسا-كوكتەپ كىرگەندە مۇحاممەد ءالي مەن ونىڭ تۋىستارى تاماقتانىپ وتىرعان بولاتىن.

توناۋشىلار تاپانشانى مۇحاممەد ءاليدىڭ ءبىر جاستاعى ىنىسىنە كەزەپ، ءوز تالاپتارىن قويادى. ياعني، اقشا مەن اسىل تاستاردى بەرۋدى تالاپ ەتەدى. مۇحاممەد ءاليدىڭ اناسى قاراقشىلاردىڭ سۇراعانىن بەرمەك بولعان كەزدە مۇحاممەد ءالي «ماماما تيىسپەڭدەر!» دەپ قاتتى ايعايلايدى. ونىڭ داۋىسىن كورشىلەر ەستىپ قالا ما دەپ قورىققان توناۋشىلار دەرەۋ قاراسىن باتىرادى. مۇحاممەد ءاليدىڭ اناسى پوليتسياعا تەلەفون شالعانىمەن توناۋشىلاردى قولعا ءتۇسىرۋدىڭ ءساتى تۇسپەدى.

مۇحاممەد ءاليدىڭ بۇل ەرلىگى ەلگە جايىلىپ، ۇلتتىق قاھارمانعا اينالدى. جەرگىلىكتى تەلەديداردا سۇحبات الىنىپ، عالامتورعا سۋرەتى ورنالاستىرىلدى.

islam.kz