سەمەيدە تاۋەلسىزدىك كۇنىنە وراي اقىندار ايتىسى مەن اۋىل شارۋاشىلىعى ونىمدەرى جارمەڭكەسى وتەدى
ال دوڭگەلەك ۇستەلدە قوعام وكىلدەرى «تاۋەلسىزدىكتى ساقتاپ، نىعايتۋ - قازاقستاننىڭ ءار ازاماتىنىڭ قاسيەتتى بورىشى» تاقىرىبىن كەڭىنەن تالقىلاماق.
سونىمەن قاتار كونسەرتتىك باعدارلامالاردان باسقا، ادەبي- مۋزىكالىق كەشتەر قامتىلماق. اتاپ ايتقاندا، قالاداعى الاڭداردا، ءبىلىم، مادەنيەت جانە سپورت مەكەمەلەرىندە، ءتىپتى، اشىق اسپان استىندا دا «تاۋەلسىزدىك - حالىق يگىلىگى مەن بىرلىگىنىڭ جەمىسى» تاقىرىپتىق كەشى، سونداي-اق اقىندار ايتىسى، بارلىق ۇجىمداردا سالتاناتتى كەشتەر، كورمەلەر، تاقىرىپتىق بەينەماتەريالدار كورسەتىلىمدەرى، سپورتتىق شارالار ۇيىمداستىرىلماق.
قالا تۇرعىندارى مەن قوناقتارى ءۇشىن مادەنيەت جانە دەمالىس ورىندارىندا حالىقتىق سەرۋەن مەن اۋىل شارۋاشىلىعى ونىمدەرى جارمەڭكەسى وتكىزىلەدى.
ال شاھارداعى جوعارى وقۋ ورىندارى، كوللەجدەر مەن مەكتەپتەردە اتالمىش مەرەكەگە وراي سىنىپتىق، كۋراتورلىق ساعاتتار، دوڭگەلەك ۇستەلدەر، كورمەلەر، سالتاناتتى جيىندار بولماق.
بۇدان باسقا، ەتنومادەني ورتالىقتار مەن جاستاردىڭ قاتىسۋىمەن «ماڭگىلىك ەل» قالالىق فورۋمى، «تاتۋلىق - دوستىقتىڭ كيەلى بەسىگى» فەستيۆالى ۇيىمداستىرىلىپ، جاڭا نىساندار اشىلماق.
ال اباي مۇراجايىندا «الاش» پارتياسىنىڭ قايراتكەرلەرىنە ارنالعان «الاش يدەياسى - تاۋەلسىزدىك نەگىزى» تانىمدىق كەشى وتكىزىلەدى. سەمەي قالاسىنىڭ اكىمى قالادا تۇرىپ جاتقان 1986-جىلعى جەلتوقسان وقيعاسىنا قاتىسۋشىلارمەن جۇزدەسەدى. ءارى، تاۋەلسىزدىك قۇرداستارىنىڭ سلەتى ۇيىمداستىرىلماق، دەپ حابارلايدى قالا اكىمدىگىنەن.
