08:13, 11 - جەلتوقسان 2014 | GMT +5
گەننادي گولوۆكين: بولاشاقتا ساۋل الۆارەسپەن جەكپە-جەككە شىعۋىم مۇمكىن
استانا. قازاقپارات - 9- جەلتوقسان كۇنى مەحيكو-سيتيدە گەننادي گولوۆكينگە ورتا سالماقتاعى WBC-ءتىڭ ۋاقىتشا چەمپيونى بەلدىگى تابىستالدى، دەپ حابارلايدى sports.kz.
سالتاناتتى تاپسىرۋ ءراسىمى كەزىندە گولوۆكين بولاشاقتا مەكسيكاندىق بوكسشى ساۋل الۆارەسپەن جەكپە-جەك وتكىزۋ مۇمكىندىگىن جوققا شىعارمايتىنىن ايتتى.
«بۇل مەن ءۇشىن ەڭ ايتۋلى كۇن، وتە باقىتتىمىن. ارينە، مەنىڭ نەگىزگى نازارىم قازىر 21- اقپاندا مونتە-كارلو قالاسىندا WBC Silver چەمپيونى مارتين ميۋررەيمەن ايقاسقا دايىندالۋعا اۋىپ وتىر.
بولاشاقتا ساۋل الۆارەسپەن ايقاسۋىم، ارينە، مۇمكىن. بۇل بارلىق جانكۇيەرلەر ءۇشىن ناعىز سىيلىق بولار ەدى»، - دەگەن گەننادي گولوۆكيننىڭ سوزدەرىن كەلتىرەدى BoxingScene.
