ب ق و- دا وڭىردەگى ەڭ ءىرى ساۋدا ورتالىعى - «دينا» گيپەرماركەتى اشىلدى - فوتو

ورال. قازاقپارات - زەلەنوۆ اۋدانى ميچۋرين اۋىلىندا «دينا» گيپەرماركەتى اشىلدى.

بۇل - وبلىستاعى ەڭ ءىرى ساۋدا ورتالىعى. ونىڭ اشىلۋ راسىمىنە قاتىسقان وبلىس اكىمى نۇرلان نوعايەۆتىڭ اتاپ وتكەنىندەي، ەلباسى تاپسىرماسىنا سايكەس قازاقستاندا، سونىڭ ىشىندە وڭىردە شاعىن جانە ورتا بيزنەسكە مەملەكەت تاراپىنان ۇدايى قولداۋ كورسەتىلىپ كەلەدى.

سونىڭ ناتيجەسىندە ءىرى جوبالار جۇزەگە اسىرىلۋدا.

ءوڭىر باسشىسى ورال قالاسى ىرگەسىندەگى اۋىلدا قازىرگى زامانعى تالاپتارعا تولىق ساي كەلەتىن ساۋدا ورتالىعىن اشقان جەكە كاسىپكەر اسحات قابيەۆكە العىسىن ءبىلدىردى.

بۇل حالىقتى ساپالى تاۋارلار تۇرلەرىمەن قامتۋعا مۇمكىندىك بەرەدى ءارى ونىڭ باعاسى دا قولجەتىمدى بولماق.

جەكە كاسىپكەر اسحات قابيەۆ بۇل جوباعا 1,8 ميلليارد تەڭگە جۇمساپ، ونى قىسقا مەرزىمدە جۇزەگە اسىرعان. جالپى اۋدانى 13 مىڭ شارشى مەتردى قۇرايتىن كەشەننىڭ 8 مىڭ شارشى مەترى ساۋدا ورىندارىن قامتىسا، قالعان 5 مىڭ شارشى مەترى كەڭسە، قويما، اسحانا سەكىلدى كومەكشى ورىندارعا ارنالعان.

ەڭ باستىسى، ساۋدا ورتالىعىندا 360 جاڭا جۇمىس ورنى اشىلىپ وتىر. 260 ادام ساۋدا ورىندارىندا، 60 ادام ءتاتتى تاعام دايىندايتىن سەحتا جۇمىس جاساسا، 40 ادام كەلۋشىلەرگە قىزمەت كورسەتەتىن بولادى. سونىمەن قاتار كەڭسەنىڭ جانىندا 500 گە جۋىق اۆتوكولىكتى قويۋعا بولاتىن ارنايى تۇراق جاساقتالعان.

 

اۆتور: ەلجان ەرالى