07:47, 11 - جەلتوقسان 2014 | GMT +5
دجيپتەن جۇيرىك جول ساقشىسى جۇرتشىلىقتى تاڭعالدىردى - كەسكىن
استانا. قازاقپارات - عالامتوردا ەكى كۇن بۇرىن جاريالانعان رەسەيدىڭ جول پاترۋلدىك قىزمەتى ينسپەكتورىنىڭ ەرلىگى تۇسىرىلگەن بەينەروليك ەكى ميلليوننان استام كورىلىم جينادى، دەپ جازادى رەسەيلىك ب ا ق.
بۇل وقيعا 2013 - جىلى بولعان ەكەن، الايدا ول عالامتورعا جۋىردا، تەك ءبىر جىلداي ۋاقىت وتكەننەن كەيىن عانا سالىنعان.
ەلدى مەكەننىڭ ىشىندەگى تار جول قاشىپ كەلە جاتقان كولىكتى باسىپ وزۋعا مۇمكىندىك بەرمەي كەلە جاتقان ساتتە ءتوزىمى تاۋسىلعان ينسپەكتور ماشينادان اتىپ شىعىپ، جول تالعامايتىن كولىكتى جاياۋ قۋىپ جەتكەن. ءجۇرىپ كەلە جاتقان كەزىندە وڭ جاق ەسىگىن اشىپ كىرىپ، قاشقىندى ماشينادان قۋىپ شىققان.
كەيىن انىقتالعانداي، كەسكىن تاتارستاندا تۇسىرىلگەن. وقيعا بولعان ەلدى مەكەن تۋكايەۆ اۋدانىنىڭ مالايا شيلنا اتتى اۋىلى كورىنەدى.
