تاۋەلسىزدىك كۇنى قارساڭىندا تۇڭعىش پرەزيدەنت مۋزەيىندە بالالارعا ارنالعان شارالار وتەدى
«كوپ جىلدان بەرى بىرلەسە اتقارىپ جۇرگەن جۇمىستاردىڭ ناتيجەسى رەتىندە بالالاردى قورعاۋ كۇنىنە وراي جىل سايىن ءداستۇرلى تۇردە وتكىزىلەتىن «ءتۇرلى- ءتۇستى موزايكا» شىعارماشىلىق فەستيۆالىن جانە ق ر تاۋەلسىزدىك كۇنى قارساڭىندا وتەتىن «تۋعان جەرىم» رەسپۋبليكالىق بايقاۋىن اتاپ وتۋگە بولادى.
«تۋعان جەرىم» بايقاۋى العاش رەت ەلىمىزدىڭ باس مەرەكەسى - تاۋەلسىزدىك كۇنىن مەرەكەلەۋ اياسىندا 2004 - جىلى وتكىزىلگەن بولاتىن. بيىل «تۋعان جەرىم» جوباسىنا 10 جىل تولادى. وسى جىلدار ىشىندە بايقاۋعا ەلىمىزدىڭ تۇپكىر-تۇپكىرىنەن دارىندى بالالار قاتىسىپ، ديپلومدارمەن ماراپاتتالدى.
بيىل بايقاۋ حالىقارالىق مارتەبەگە يە بولدى، وندا قيىر جانە تاياۋ شەت مەملەكەتتەردەن بالالار جارىسقا تۇسەدى. جوبا بالالار شىعارماشىلىعى ارقىلى قازاقستان حالقىنىڭ مادەنيەتىمەن، سالت-داستۇرىمەن تانىسۋعا، قوعامدى وسكەلەڭ ۇرپاقتىڭ كوزىمەن تانۋعا، بولاشاقتى زەردەلەۋگە، اعا بۋىن وكىلدەرىنىڭ رۋحاني-ادامگەرشىلىك، ەستەتيكالىق قۇندىلىعىن تانىپ بىلۋگە مۇمكىندىك بەرەدى»، دەلىنگەن حابارلامادا.
