پاكىستان مەن ءۇندىستان بەلسەندىلەرىنە نوبەل سىيلىعى تاپسىرىلدى

استانا. قازاقپارات - سارسەنبى كۇنى نورۆەگيانىڭ استاناسى وسلو قالاسىندا پاكىستاندىق بەلسەندى جانە بالالار قۇقىقتارى ءۇشىن كۇرەسۋشى ون جەتى جاسار مالالا يۋزافايعا الەمدىك نوبەل سىيلىعى تابىستالدى، دەپ جازادى باتىستىق ب ا ق.

بۇل جوعارى ماراپاتتى سونداي-اق 60 جاستاعى ءۇندىستاندىق بەلسەندى ءارى دارىگەر، 35 جىل بويى بالالاردى قۇلدىق ەڭبەكتەن بوساتۋ ءۇشىن كۇرەسكەن كايلاش ساتيارتي دا الدى.

2012 - جىلى يۋسۋفزاي لاڭكەستەر شابۋىلىنىڭ قۇربانى بولدى. «تاليبان» قوزعالىسىنىڭ سودىرى ونىڭ باسىنان اتقان. ابىروي بولعاندا، ءتىرى قالدى. بيرمينگەمدە وتكىزىلگەن كۇردەلى وتادان كەيىن ول انگليادا قالىپ قويدى.

سوڭعى جىلدارى يۋزافاي كوپتەگەن حالىقارالىق جۇلدەلەر مەن ماراپاتتارعا يە بولدى. بۇلار 10 قاراشا كۇنى الەمدىك نوبەل سىيلىعىنا لايىقتى دەپ تانىلعان بولاتىن.