مەكتەپتە حيدجاب كيۋگە رۇقسات جوق - م. ءازىلحانوۆ
بۇگىن ءماجىلىستىڭ حالىقارالىق ىستەر، قورعانىس جانە قاۋىپسىزدىك كوميتەتى مەن الەۋمەتتىك- مادەني دامۋ كوميتەتىنىڭ كوشپەلى وتىرىسىندا مادەنيەت جانە سپورت ۆيتسە-ءمينيسترى مارات ءازىلحانوۆ وسىلاي مالىمدەدى.
ەسكە سالايىق، وتىرىستا ءدىني تولەرانتتىلىق پەن كونفەسسياارالىق كەلىسىمدى نىعايتۋ ماسەلەلەرى تالقىلانعان بولاتىن.
وتىرىس بارىسىندا دەپۋتاتتار ساۋالىنا جاۋاپ بەرگەن ۆيتسە- مينيستر، قوعامدا كەڭىنەن تالقىلانىپ جۇرگەن حيدجاب تاقىرىبى وتە نازىك ماسەلە ەكەنىن اتاپ ءوتتى.
«سونىڭ ىشىندە، ءتۇيىنى مەكتەپتە ءدىني ورامال تاعۋعا بولا ما، بولماي ما دەگەنگە كەلىپ تىرەلەدى. ال، قالعان جەرلەردە حيدجاب - ءار ادامنىڭ ءوز ەركىندەگى شارۋا. سونىمەن قاتار، مەكتەپتەردە ءبىلىم جانە عىلىم مينيسترلىگىمەن بىرگە اتقارىپ وتىرعان جۇمىسىمىزدىڭ بارلىعى جارعى ارقىلى جۇزەگە اسادى. سوندىقتان دا، «ءبىلىم تۋرالى» زاڭ مەن ارنايى جارعىدا كورسەتىلگەنىندەي «مەكتەپتە ءدىني اتريبۋتتار قولدانىلمايدى» دەگەن قاعيدا بار»، - دەدى م. ءازىلحانوۆ.
ونىڭ سوزىنە قاراعاندا، قازىر ەلىمىزدىڭ مەكتەپتەرىندە وسى جارعىنىڭ قاعيداتى ەنگىزىلىپ جاتىر. سونىمەن قاتار، ءتۇسىندىرۋ جۇمىستارى دا بىرلەسە اتقارىلادى. بۇدان بولەك، ۆيتسە- مينيستر جۋىردا اقساي اۋدانى سوتىنىڭ قاۋلىسىمەن 1-سىنىپتا وقيتىن قىزىنا ورامال تاعىپ جىبەرگەن اكەنىڭ ارەكەتى دۇرىس ەمەس دەپ تانىلعانىن جەتكىزدى.
«زايىرلى مەملەكەتتىڭ مەكتەبىندە ءدىني اتريبۋتتار قولدانۋعا جول بەرە المايمىز»، - دەدى ۆيتسە- مينيستر.
اۆتور: قانات مامەتقازى ۇلى
