جاستارعا وتكەن عاسىرداعى قازاق حالقى باسىنان وتكەرگەن ناۋبەتتى كەزەڭى جايىندا كوبىرەك ايتۋ كەرەك - ا. يديگوۆ
بۇل تۋرالى بۇگىن ورتالىق كوممۋنيكاتسيالار قىزمەتىندەگى بريفينگتە ق ح ا جۋرناليستەر كلۋبى ءتوراعاسىنىڭ ورىنباسارى، الماتى وبلىسىنىڭ قازاقستان حالقى اسسامبلياسى جۋرناليستەر كلۋبىنىڭ ءتوراعاسى اتساليم يديگوۆ ءمالىم ەتتى.
«قازاقستان حالقى دوستىق پەن ءوزارا تۇسىنىستىك جاعدايىندا ءومىر ءسۇرىپ جاتىر. وتكەن عاسىردىڭ وتىزىنشى جىلدارىنان باستاپ ءتۇرلى ۇلت وكىلدەرىن قازاق جەرىنە اۋدارىلعانىن بىلەسىزدەر. سول كەزدە قازاق حالقى قيىن جاعدايدىڭ شىرماۋىندا بولعان ەدى.
ياعني، «مىڭ ءولىپ، مىڭ تىرىلگەن قازاق حالقى» دەپ بەكەر ايتپاعان. بۇعان قاراماستان، قازاقستان اۋماعىنا كوپتەگەن ۇلتتاردىڭ وكىلدەرىن جەر اۋدارىپ جاتتى. اتاپ ايتقاندا، قازاق حالقىنىڭ وزىندىك ءداستۇرى بار، ونىڭ ۇستىنە ءدىلى بولەك وزگە ۇلتتار وسى جەرگە ءماجبۇرلى قونىستاندىرىلدى.
سول كەزدە وسى جەردە وتە ۇلكەن سىناق بولدى. ءبىرىنشى كەزەكتە قازاق حالقى ءۇشىن. سونداعى ناۋبەتتى كەزەڭدى سول جىلدارى بىرلەسە بارشامىز ەڭسەرگەن بولساق، ەڭ الدىمەن بۇل - قازاق حالقىنىڭ ەڭبەگى. ەشكىمدى كەۋدەسىنەن يتەرمەي، بارلىعىنا ءبىر شاڭىراقتىڭ استىندا ورىن بەردى»، - دەپ توقتالدى اتساليم يديگوۆ.
ونىڭ سوزىنە قاراعاندا، وسىنداي دوستىق، باۋىرلاستىق قاتىناستاردى جاس ۇرپاققا كەڭىنەن ناسيحاتتاۋ كەرەك.
«ماسەلەن، ءبىزدىڭ بۋىندى تولەرانتتىلىققا ناسيحاتتاۋدىڭ قاجەتى جوق، سەبەبى، ءبىز ونى كوردىك جانە جاقسى ءتۇسىنىپ وتىرمىز. وتكەن عاسىردا قازاق حالقىنىڭ باسىنان وتكەرگەن قيىندىقتارىن، قازاقستانعا قونىستاندىرىلعان وزگە ۇلت وكىلدەرىنىڭ ناۋبەتى جايىندا جاستارعا كوبىرەك ايتۋ كەرەك. ولار وسىندا تۇرىپ جاتقان ۇلت وكىلدەرى تۋرالى ءبىلۋى كەرەك. اتاپ ايتقاندا، بۇل باعىتتاعى تاريحپەن جاستار جاقسىلاپ تانىسۋى ءتيىس. تەك سوندا عانا ۇرپاقتان- ۇرپاققا ءبىر وتباسىنىڭ بالالارىنداي بىرلىك پەن بەيبىتشىلىكتەگى ءومىرىمىزدى جالعاستىرا الامىز»، - دەپ ءتۇيدى ق ح ا مۇشەسى.
اۆتور: رۋسلان عابباسوۆ
