ن. بورديۋجا ەلباسىنا ۇجىمدىق قاۋىپسىزدىك شارتى ۇيىمى قىزمەتىنىڭ بيىلعى قورىتىندىلارى تۋرالى باياندادى
بۇل تۋرالى اقوردانىڭ باسپا ءسوز قىزمەتىنەن حابارلادى.
كەزدەسۋ بارىسىندا ن. بورديۋجا قازاقستان پرەزيدەنتىنە ۇجىمدىق قاۋىپسىزدىك كەڭەسىنىڭ 23 - جەلتوقساندا ماسكەۋدە وتەتىن كەزەكتى سەسسياسىنا دايىندىق بارىسى تۋرالى باياندادى.
سونىمەن قاتار، كەزدەسۋدە ۇيىمعا مۇشە بارلىق مەملەكەتتەر بەتپە-بەت كەلىپ وتىرعان سىن-قاتەرلەر مەن قاۋىپتەر جانە احۋالدىڭ ورىستەۋىنە ىقپالىن تيگىزەر تەرىس ۇردىستەردى ازايتۋ ءۇشىن قابىلدانۋى قاجەت شارالار تالقىلاندى.
مەملەكەت باسشىسى وڭىردەگى جاعدايدىڭ قارقىندى وزگەرۋىنە بايلانىستى ۇ ق ش ۇ الدىنا قويىلۋى مۇمكىن مىندەتتەرگە نازار اۋداردى.
«اۋعانستاننان كواليسيا كۇشتەرىنىڭ شىعارىلۋى كۇتىلۋدە، «يسلام مەملەكەتىمەن» بايلانىستى جاڭا قاتەرلەر پايدا بولۋدا. مۇنداي جاعدايدا ۇيىم احۋالدى يگەرەتىن، بولجايتىن، قاجەتتى ۇجىمدىق شارالاردى قابىلداۋ جونىندە ۇسىنىستار ازىرلەيتىن تالدامالىق ورتالىققا اينالۋى ءتيىس»، - دەدى نۇرسۇلتان نازاربايەۆ.
ن. بورديۋجا ۇ ق ش ۇ قىزمەتىنىڭ بيىلعى قورىتىندىلارى تۋرالى اڭگىمەلەپ، اسكەري ىنتىماقتاستىق سالاسىندا جۇرگىزىلىپ جاتقان جۇمىستار جونىندە باياندادى.
