حالىقارالىق «قازاقپارات» اگەنتتىگىنىڭ ءتىلشىسى «ءتىل مەن ءتىلشى» بايقاۋىنىڭ جەڭىمپازى اتاندى

ورال. قازاقپارات - مەملەكەتتىك ءتىل ساياساتىن ناسيحاتتاۋ ماقساتىندا تۇراقتى قالام تەربەپ جۇرگەن ۇزدىك جۋرناليستەردى انىقتاۋ ماقساتىندا ۇيىمداستىرىلعان «ءتىل مەن ءتىلشى» وبلىستىق بايقاۋى مارەگە جەتتى.

باتىس قازاقستان وبىلىسى تىلدەردى دامىتۋ باسقارماسىنان تۇسكەن مالىمەتكە قاراعاندا، اقىن، قازاقستاننىڭ ەڭبەك سىڭىرگەن قايراتكەرى، «قۇرمەت» وردەنى مەن حالىقارالىق «الاش» ادەبي سىيلىعىنىڭ يەگەرى اقۇشتاپ باقتىگەرەيەۆا جەتەكشىلىك ەتكەن قازىلار القاسى بارلىعى ون ەكى ۇمىتكەردىڭ وبلىستىق جانە رەسپۋبليكالىق باسىلىمداردا جىل باسىنان بەرى جارىق كورگەن 62 ماقالاسىن ساراپقا سالدى.

 قازىلار القاسى وزەكتى تاقىرىپتى ساياسي جاعىنان ساۋاتتى كوتەرگەن حالىقارالىق «قازاقپارات» اگەنتتىگىنىڭ ب ق و بويىنشا مەنشىكتى ءتىلشىسى، اقىن، قازاقستان جازۋشىلار وداعىنىڭ مۇشەسى عايساعالي سەيتاقتىڭ ماقالا- سۇحباتتارىن ءبىرىنشى ورىنعا لايىق دەپ تاپتى. سونداي- اق اقىندار، ب ق و سوتىنىڭ باس مامانى، قازاقستان جازۋشىلار وداعىنىڭ مۇشەسى امانكەلدى شاحين مەن «جايىق ۇستازى» گازەتىنىڭ باس رەداكتورى اقمارجان تاۋبايەۆا - ەكىنشى، وبلىستىق «ورال ءوڭىرى» گازەتىنىڭ ءبولىم رەداكتورى ساكەن ءابىلحالىقوۆ پەن عالىم، فيلولوگيا عىلىمدارىنىڭ دوكتورى، پروفەسسور مۇرات سابىر، قاراتوبە اۋداندىق «قاراتوبە ءوڭىرى» گازەتىنىڭ ءتىلشىسى، اقىن ەرتاي بيمۇحانوۆ ءۇشىنشى جۇلدەنى ەنشىلەدى.

 جەڭىمپاز- جۇلدەگەرلەرگە سىيلىقتار 10 - جەلتوقسان كۇنى تابىس ەتىلەدى.