الداعى ءتورت جىلدا شىمكەنتتەگى حالىق سانى ميلليوننان اسادى
بۇل تۋرالى وبلىس اكىمدىگىندە وتكەن باسپا ءسوز ءماسليحاتىندا قالا اكىمى دارحان ساتىبالدى مالىمدەگەن.
«شىمكەنت قالاسى وزگە شاھارلارمەن سالىستىرعاندا حالىق ەڭ تىعىز قونىستانعان ورتالىق. دەموگرافيالىق ءوسىم وزگە وڭىرلەرگە قاراعاندا الدەقايدا جوعارى. ونىڭ ۇستىنە ىشكى جانە سىرتقى ميگراتسيانىڭ ۇلەسى زور. قازىرگى تاڭدا، قالادا 854,5 مىڭ حالىق بار، سونىڭ ىشىندە ستاتيستيكالىق مالىمەت بويىنشا 705,0 مىڭ ادام قالانىڭ وزىندە تۇرىپ جاتسا، اۋدانداردان قوسىلعانى - 149,5 مىڭ ادام. جىل سايىنعى تابيعي ءوسىم ورتاشا ەسەپپەن 2,4 پايىزدى قۇرايدى. 2019 - جىلعا قاراي حالىق سانى جاعىنان ميلليوندى ەڭسەرەمىز دەگەن جوسپارىمىز بار. سول سەبەپتەن ءبىرىنشى كەزەكتە حالىقتىڭ الەۋمەتتىك الەۋەتىن جاقسارتۋ باستى نازارىمىزدا»، - دەدى قالا باسشىسى ءوز بايانداماسىندا.
ەلدىڭ الەۋمەتتىك الەۋەتىن جاقسارتۋ ءۇشىن الدىمەن حالىقتى تۇرعىن ۇيمەن قامتاماسىز ەتۋ قاجەت. ەلباسى ءوز جولداۋىندا باسپانا ماسەلەسى باستى نازاردا ەكەنىن اتاپ وتكەن بولاتىن. وسى ورايدا شىمكەنتتە مەملەكەتتىك باعدارلامالار بويىنشا كوپ قاباتتى ۇيلەردىڭ قۇرىلىسى قارقىن العان. ايتا كەتۋ كەرەك، تۇرعىن ءۇي قۇرىلىسىن دامىتۋ ماقساتىندا بيىلعى جىلى بيۋدجەت قارجىسى ەسەبىنەن 4,7 ميلليارد تەڭگەگە 3 364 پاتەرلى 46 تۇرعىن ءۇيدىڭ قۇرىلىسى جۇرگىزىلۋدە.
«ونىڭ ىشىندە اعىمداعى جىلى 629 پاتەرلى 11 تۇرعىن ءۇي پايدالانۋعا بەرىلسە، «قازاقستان يپوتەكالىق كومپانياسى» ا ق 1080 پاتەرلى 15 تۇرعىن ۇيلەردىڭ قۇرىلىسىن جۇرگىزۋدە. سونىمەن قاتار، «تۇرعىن ءۇي كوممۋنالدىق شارۋاشىلىعىن دامىتۋ 2020» باعدارلاماسىنىڭ شەڭبەرىندە 34 كوپقاباتتى تۇرعىن ءۇيدى كۇردەلى جوندەۋگە 211 ميلليون تەڭگە قارجى ءبولىنىپ، ءتيىستى جۇمىستار اتقارىلىپ جاتىر» دەدى قالا باسشىسى.
اۆتور: قانات مامەتقازى ۇلى
