الماتى تۇرعىنى سۇيىكتىسىن قاتتى قورقىتقان سوڭ وعان ءسوز ايتتى - كەسكىن
باستاپقى كەزدە قىزدار تانىستارىن تانىماي، شوشىپ كەتەدى.
قىزدار "اسكەريلەرگە" ايعايلاپ، ولارمەن داۋلاسىپ، تانىستارىنا تەلەفون شالادى.
ارنايى جاساق بولىپ كيىنگەندەر كولىكتەن ۇنتاق تاۋىپ العانداي بولىپ، "كۋاگەرلەردى" شاقىرادى دا، پوليتسيا بولىمشەسىنە اكەتۋگە دايىندالا باستايدى.
ءبىراق اسكەريلەردىڭ اراسىنداعى بىرەۋ بەتپەردەسىن شەشىپ، سۇيىكتىسىنە شوق گۇل سىيلايدى. بۇدان كەيىن ول قىزعا ءسوز سالادى. وقيعا قۋانىشپەن اياقتالادى.
ەسكە سالا كەتەيىك، قوستاناي وبلىسىندا دا بولاشاق كۇيەۋ جىگىت سۇيىكتىسىنە ەرەكشە ءسوز سالعان ەدى. بولاشاق پوليتسەيلەر جۇرەك ءتارىزدى بولىپ ساپقا تۇرادى. قىزىنا ەرەكشە ادىسپەن ءسوز ارناعىسى كەلگەن بولاشاق پوليتسەي 4 ستۋدەنتكە الاڭعا جۇرەك بولىپ ساپقا تۇرۋدى سۇراعان، الاڭدا اسەم مەن نۇركەنگە قىزىل كىلەم جايىلعان.
جاس جىگىت ءوز سۇيىكتىسىنە جۇزىك پەن گۇل سىيلادى. نۇركەننىڭ سۇيىكتىسى كەلىسىمىن بەرگەن سوڭ ول ونى كوتەرىپ، ال كۋرسانتتار فۋراجكالارىن اسپانعا لاقتىردى. نەكەلەسكەن جۇپتى اكادەميانىڭ بارلىق ستۋدەنتى قۇتتىقتادى. جاستارعا بولاشاق پوليتسەيدىڭ كومانديرى ءارى تالىمگەرى قۇتتىقتاۋ تىلەك ايتتى.
ال وعان دەيىن استانا تۇرعىنىنىڭ ءوز قىزىنا ءسوز ارناعان ۆيدەوسى ينتەرنەتتە پايدا بولعان ەدى. سانجار كارىمبەكوۆ 16 اۆتوكولىكتى جۇرەك قالپىندا قويدى. عاشىق جىگىتتىڭ ارمانىن ورىنداۋعا ونىڭ دوستارى كومەكتەسكەن. بۇدان باسقا، عاشىق جىگىت 101 ماقتاۋ ءسوز جازىلعان 101 گۇل سىيلادى. سۇيىكتىسى وعان كەلىسىمىن بەردى.
tengrinews.kz
