17:10, 09 - جەلتوقسان 2014 | GMT +5
مارستا ەجەلگى كولدەردىڭ ورنى تابىلدى
استانا. قازاقپارات - «كيۋريوسيتي» مارستاعى كولدەر تۋرالى جاڭا دەرەكتەر انىقتادى. قىزىل پلانەتاداعى شارپ اتتى بەس شاقىرىمدىق تاۋ ونداعان ميلليون جىلدار بۇرىن ءىرى كول ۇستىندە پايدا بولۋى ىقتيمال، دەيدى ناسا عالىمدارى.
بۇل تۋرالى اقپاراتتى بي-بي-سي تەلەارناسى تاراتتى.
امەريكالىق عارىش اگەنتتىگىنىڭ مالىمەتىنشە، تاۋ جىنىسىنىڭ قاتپارلارىن زەرتتەۋ كەزىندە ونىڭ سۋ مەن جەلدىڭ ىقپالىنان قۇرىلعانى بەلگىلى بولعان. «وسىدان 3,5 ميلليارد جىل بۇرىن اسپان دەنەسىندەگى ىلعالدىق دەڭگەيى جانە تەمپەراتۋرا جوعارى بولعان. بۇل سەبەپتى شارپ تاۋىنىڭ ورنىندا ءىرى كول بولۋى كەرەك»، - دەيدى ماماندار.
ايتا كەتەيىك، «كيۋريوسيتي» مارسوحودى قىزىل پلانەتاداعى گەيل كراتورىنا ەكى جىل بۇرىن قوندىرىلعان بولاتىن.
«استانا» ارناسى
