مەملەكەتتىك قىزمەتكەرلەردىڭ جارتىسى باسپانا كەزەگىنەن شىعارىلۋى مۇمكىن
جاڭا "ق ر تۇرعىن ءۇي قاتىناستارى تۋرالى كەيبىر زاڭنامالىق اكتىلەرگە تۇزەتۋلەر مەن تولىقتىرۋلار ەنگىزۋ تۋرالى" زاڭ جوباسى "بيۋدجەتتىك ۇيىم" ۇعىمىن ايقىنداپ بەردى.
"كەزەكتە 300 مىڭ ادام تۇر. ولاردىڭ كوپشىلىگى مەملەكەتتىك قىزمەتكەر رەتىندە كەزەككە تۇرعان. "بيۋدجەتتىك ۇيىم" دەگەن ۇعىم ول كەزدە بولماعان. ءبىز ونى قازىر ءبىرىنشى رەت ەنگىزىپ وتىرمىز.
ەگەر ءبىز بۇل زاڭدى جانە "بيۋدجەتتىك ۇيىم" ۇعىمىن قابىلدايتىن بولساق، بۇل تىزىمگە تەك قازىنالىق جانە مەملەكەتتىك مەكەمەلەر عانا كىرەدى، وندا مەملەكەتتىك قىزمەتكەر رەتىندە كەزەككە تۇرعانداردىڭ بۇل قىزمەتكەرلەرگە قاتىسى بولمايدى جانە ولاردى اۆتوماتتى تۇردە كەزەكتەن شىعارىپ تاستاۋعا تۋرا كەلەدى"، - دەدى ق ر پارلامەنتى سەناتىنىڭ ەكونوميكالىق ساياسات، يننوۆاتسيالىق دامۋ جانە كاسىپكەرلىك كوميتەتىمەن ءوزارا بايلانىس جاساۋ ءبولىمىنىڭ مەڭگەرۋشىسى مارات ۋاقبايەۆ.
ق ر ۇكىمەتىنىڭ زاڭ جوباسىنا بايلانىستى تۇجىرىمداماسىندا "مەملەكەتتىك مەكەمەنىڭ بارلىعىن بيۋدجەتتىك ۇيىم ۇعىمىنا سىيعىزۋ مەملەكەتتىك مۇلىك جانە تۇرعىن ءۇي قاتىناستارى تۋرالى زاڭداردىڭ نورمالارىنا قايشىلىق كەلتىرەدى.
سونىمەن قاتار كەزەكتە تۇرۋى ءتيىس تۇلعالاردىڭ توبىن ۇلعايتا بەرۋ مەملەكەتتىك شىعىندى كوبەيتەدى. سونداي-اق مەملەكەتتىك مەكەمەلەردىڭ قارجىلىق جاعدايىن باسقارۋعا شارۋاشىلىق قۇقىق بەرۋ، جەكە كىرىس ەسەبىنەن تۇرعىن ۇيمەن قامتۋ ماسەلەسىن شەشۋگە كومەكتەسەدى" دەلىنگەن.
وسىعان بايلانىستى سەناتور ۆلاديمير رەدكوكاشين ۇسىنىس ايتتى. «وندا ءبىز بىلاي كەلىسەيىك، بۇل زاڭ تاپ قازىر كەزەكتە تۇرعان ادامدارعا، ول ءبىر استانا قالاسىندا 1000 ادامنان جوعارى، قاتىستى بولماسىن. ياعني بۇل زاڭ قابىلدانعان سوڭ كەزەكتە تۇرعان ازاماتتار كەزەكتەگى ءوز ورىندارىن ساقتاپ قالسىن»، - دەدى ول زاڭ جوباسىنا قاتىستى بايانداما جاساپ تۇرعان ق ر ۇلتتىق ەكونوميكا ۆيتسە-ءمينيسترى قايىربەك وسكەنبايەۆقا.
وسكەنبايەۆ سەنات بۇل تۇزەتۋدى ەنگىزەتىن بولسا، ەكونوميكا مينيسترلىگى قايتا قاراۋعا دايىن دەپ جاۋاپ بەردى.
الايدا وزگە دەپۋتاتتار ۇكىمەتتىڭ بۇل ماسەلەنى بۇعان دەيىن قاراماي، زاڭ جوباسىنا كىرگىزبەگەنى ءۇشىن نارازىلىق ءبىلدىردى. "ءبىزدىڭ زاڭدى قاراپ تالقىلاۋ كونستيتۋتسيالىق مەرزىمىمىز ەرتەڭ اياقتالادى!"، - دەدى سەناتور ميحايل بورتنيك. اقىرىندا دەپۋتاتتار مەن ۇكىمەت وكىلدەرى زاڭ جوباسىنا قاتىستى جۇمىستى تۇسكى ۇزىلىستەن كەيىن جالعاستىرۋعا كەلىستى.
