بيىل «قازمۇناي گاز» جاڭاجىلدىق كەشتى وتكىزبەيدى

استانا. قازاقپارات - «قازمۇناي گاز» ۇلتتىق كومپانياسى» ا ق بيىل بيۋدجەتتىڭ قىسقارۋىنا بايلانىستى جاڭاجىلدىق ۇجىمدىق كەشتى وتكىزبەيتىن بولدى.

 بۇل تۋرالى بۇگىن ورتالىق كوممۋنيكاتسيالار قىزمەتىندە كومپانيا باسشىسى ساۋات مىڭبايەۆ ءمالىم ەتتى.

«مۇناي باعاسىنىڭ تۇسۋىنە بايلانىستى كومپانيانىڭ بيۋدجەتى قىسقارعانىن جوعارىدا ايتتىق. الايدا بۇل قىسقارتۋ مۇناي ءوندىرۋ كولەمىنە ەش اسەر ەتپەيدى. ءبىز كەلەسى جىلى دا بيىل وندىرگەن كولەمىمىزدى ساقتاپ قالۋعا ءتيىسپىز. ءتىپتى ۇلعايتۋىمىز دا مۇمكىن. ال ەندى جاڭا جىلداعى ۇجىمدىق كەشتىك تۋرالى ايتار بولساق، «قازمۇناي گاز» بيىل ونى وتكىزبەيدى»، - دەدى ول جۋرناليستەردىڭ سۇراعىنا جاۋاپ بەرۋ بارىسىندا.

 اۆتور: ءابۋ- اسقار مەكەش ۇلى