ءا. جاقسىبەكوۆ ەلورداداعى ءدىن باسىلارىمەن كەزدەستى
كەزدەسۋدىڭ ماقساتى قالا باسشىسىنىڭ ءدىن باسىلارىمەن جانە ءدىني ۇيىمداردىڭ قىزمەتىمەن تانىسۋ بولدى، دەپ حابارلايدى astana.kz.
استانا قالاسىنىڭ باسشىسى قازاقستان پرەزيدەنتىنىڭ «نۇرلى جول - بولاشاققا باستار جول» حالىققا جولداۋىندا قازاقستاندىقتار اراسىنداعى سەنىمدى نىعايتۋعا، ادامداردىڭ ءبىر-بىرىنە دەگەن تولەرانتتىلىعىنا ەرەكشە نازار اۋدارىلعانىن اتاپ ءوتتى.
بۇگىنگى تاڭدا ەلورداداعى ءدىني جاعداي وڭ باعىتتا دامىپ كەلەدى. ءدىن باسىلارمەن ديالوگ ورناتىلدى، كوپ كونفەسسيالىق كەلىسپەۋشىلىك فاكتىلەرى تىركەلمەگەن.
سونىمەن قاتار، استانا قالاسىنىڭ اكىمدىگى جانىنداعى ءدىني بىرلەستىكتەرمەن بايلانىس جونىندەگى كەڭەس وتىرىسى ءوتتى. وعان مەملەكەتتىك ورگانداردىڭ، جوعارى وقۋ ورىندارىنىڭ باسشىلارى، ماسليحات دەپۋتاتتارى، ءدىني بىرلەستىكتەردىڭ وكىلدەرى قاتىستى.
كەڭەستە استانادا كونفەسسياارالىق قاتىناستاردىڭ دامۋى، قازاقستان مۇسىلماندارى ءدىن باسقارماسى وكىلدىگىنىڭ قالاداعى جۇمىسى، قوعامدىق ينستيتۋتتاردىڭ ۇلتارالىق جانە كونفەسسياارالىق كەلىسىمدى نىعايتۋداعى ءرولى ءسوز بولدى.
وتىرىس قورىتىندىسى بويىنشا ءتيىستى قاالالىق قۇرىلىمدارعا ءبىرقاتار تاپسىرمالار بەرىلدى، سونداي-اق، كەڭەستىڭ 2015 - جىلعا ارنالعان جۇمىس جوسپارى قارالىپ، بەكىتىلدى.
