ن. نازاربايەۆ لي كىشياڭمەن جانە د. مەدۆەدەۆپەن كەزدەسەدى

استانا. قازاقپارات - اقوردانىڭ باسپا ءسوز قىزمەتى مەملەكەت باسشىسىنىڭ قاتىسۋىمەن وتەتىن الداعى ءىس-شارالار اڭداتپاسىن جاريالادى.

10- جەلتوقساندا اقوردادا ءبىرقاتار شەتەل مەملەكەتتەرىنىڭ توتەنشە جانە وكىلەتتى ەلشىلەرىنىڭ قازاقستان پرەزيدەنتىنە سەنىم گراموتالارىن تاپسىرۋ ءراسىمى وتەدى.

مەملەكەت باسشىسى 11- جەلتوقساندا ۇ ق ش ۇ باس حاتشىسى نيكولاي بورديۋجانى قابىلدايدى.

14- جەلتوقسانعا ق ح ر مەملەكەتتىك كەڭەسىنىڭ پرەمەرى لي كىشياڭمەن جانە ر ف پرەمەر-ءمينيسترى دميتري مەدۆەديەۆپەن كەزدەسۋلەر جوسپارلانعان.

15- جەلتوقساندا نۇرسۇلتان نازاربايەۆ ش ى ۇ-عا مۇشە ەلدەردىڭ ۇكىمەت باسشىلارىمەن كەزدەسەدى.

سونداي-اق وسى كۇنى قازاقستان پرەزيدەنتى تاۋەلسىزدىك كۇنىنە ارنالعان مەرەكەلىك شارالار اياسىندا ەل ازاماتتارىنا مەملەكەتتىك ناگرادالار تاپسىرادى جانە سالتاناتتى جيىنعا قاتىسادى.