قازاقستانداعى حالىق سەنبەيتىن شەندىلەر

استانا. قازاقپارات - قازاقستان حالقى كۇننەن كۇنگە شەنەۋنىكتەردىڭ ۋادەلەرىنە سەنبەيتىن بولىپ بارادى. ويتكەنى، بىلدەي مينيسترلەردىڭ سوزىنە سەنگەن حالىق، بىرنەشە رەت الداندى. ولاردىڭ ەڭ ءىرىسى - ديەۆالۆاتسيا مەن بەنزين باعاسى. جىل بويعى لاۋازىمدى تۇلعالاردىڭ ۋادەلەرى مەن مالىمدەمەلەرىن جانە ودان زارداپ شەككەن حالىقتىڭ جاعدايىن ارىپتەسىم گۇلبانۋ ءانيات قىزى سۇزگىدەن وتكىزىپ كورگەن ەدى.

قايرات كەلىمبەتوۆ، ق ر ۇلتتىق بانك ءتوراعاسى:

ۇلتتىق ۆاليۋتانىڭ ساياساتىندا ەشقانداي وزگەرىستەر بولمايدى. سوندىقتان قازىرگى ۆاليۋتالىق احۋالدا ەشقانداي پروبلەمالار جوق. ۇلتتىق بانك ءوزىنىڭ ساياساتىن ارى قاراي جالعاستىرادى.

بۇل - ۇلتتىق بانك ءتوراعاسىنىڭ تۋرا اقپانداعى ديەۆالۆاتسيا الدىندا بەرگەن ۋادەسى. ياعني، قايرات كەلىمبەتوۆ ءبىر ەمەس، بىرنەشە مارتە تەڭگە قۇلدىرامايدى، وعان نەگىز جوق دەۋمەن جۇرتتى لاۋازىمدى ورىنعا وتىرعاننان باستاپ سەندىرىپ كەلدى. الايدا، اقپاندا تەڭگە 30 تەڭگەگە قۇلدىراپ كەتكەندە، مەن ءوزىم تۇندە عانا ءبىلدىم دەسە، ەرتەڭىنە ديەۆالۆاتسياعا جارتى جىل دايىندالعانىن ايتىپ ەكى سويلەدى. بىلدەي باس بانكيردىڭ بۇلايشا قۇبىلۋىنا حالىق تۇگىلى، دەپۋتاتتاردىڭ ءوزى رەنجىپ، سەناتور سۆەتلانا جالماعامبەتوۆا كەلىمبەتوۆتى قاتال سىنعا الدى.

سۆەتلانا جالماعامبەتوۆا، ق ر پارلامەنتى سەناتىنىڭ ەكس- دەپۋتاتى:

ءسىز حالىققا عانا ەمەس، رەسمي ورگان قازاقستان رەسپۋبليكاسىنىڭ سەناتىنا دا جالعان سويلەپ «شاتاستىردىڭىز». ءسىزدى كەزىندە تاعايىنداۋعا كەلىسىم بەرگەن ەدىك. ەندى پارلامەنتكە قاي بەتىڭىزبەن كەلمەكسىز؟ ءسوزىڭىزدىڭ قۇنى قالعان جوق. بۇدان كەيىن سىزگە قالاي سەنۋگە بولادى؟ مەنىڭشە، ءسىزدىڭ كاسىبي بىلىكتىلىگىڭىزدە، نە ەتيكاڭىزدا پروبلەما بار.

الايدا، كەلىمبەتوۆ بۇكىل حالىقتى شىعىنعا باتىرعانى ازداي، ەلدە الاساپىران جاساعان قىزمەتىنەن كەتۋگە اسىقپادى. ءتىپتى، ءوز ەركىڭىزبەن وتستاۆكاعا كەتەسىزبە دەگەن ساۋالعادا «جاپونشا جىميىپ» قۇتىلدى.

ال اۋىل شارۋاشىلىق ءمينيسترى اسىلجان مامىتبەكوۆ كەلىمبەتوۆ سياقتى قىزمەتىن قيماي قالعان جوق. ورىنباسارى ءمۇسىلىم ومىريايەۆ پارامەن ۇستالعان كەزدە، قىلمىسى دالەلدەنسە ءوز ەركىممەن وتستاۆكاعا كەتۋگە دايىن ەكەندىگىن مالىمدەدى.

الايدا، مينيستر دە بۇل ۋادەسىن ورىندامادى. ومىريايەۆتىڭ ايىبى دالەلدەنىپ، 10 جىلعا قاتاڭ رەجيمدەگى تۇرمەگە قامالدى. ال مامىتبەكوۆ بولسا ايتقانىنان اينىپ، اپپەلياتسيالىق سوتتىڭ ۇكىمىن كۇتەيىك دەپ قۇتىلدى.

اسىلجان مامىتبەكوۆ، ق ر اۋىل شارۋاشىلىعى ءمينيسترى:

 ايىبى دالەلدەنگەن جوق ءالى. - ەندى، دالەلدەنسە؟

- دالەلدەنسە، كورەمىز، اسىقپاڭىزدار...

ال مۇناي جانە گاز ءمينيسترى بولعان ۇزاقباي قارابالين جانارماي باعاسى كۇزگە دەيىن قىمباتتامايدى دەپ حالىقتى اداستىردى. ديەۆالۆاتسيادان كەيىن دە بەنزين قۇنىن تۇراقتى ۇستايمىز دەگەن لاۋازىمدى شەندىنىڭ سوزىنە قاراپايىم جۇرت قۇدايداي سەندى.

الايدا، حالىق ەڭ كوپ تۇتىناتىن اي-92 بەنزينى 128 تەڭگەگە ءبىراق كوتەرىلدى. ەل الدىندا باعا وسپەيدى دەپ ۇياتقا قالعان قارابالين ۆيتسە-مينيستر بولعان كەزدە بولجام جاساۋعا قورقىپ قالعانىن ءوزى مويىندادى.

ۇزاقباي قارابالين، ق ر ەنەرگەتيكا ءمينيسترىنىڭ ءبىرىنشى ورىنباسارى:

ءبىر بولجام ايتام دەپ اۋزىم كۇيىپ قالعان.

گۇلبانۋ ءانيات قىزى، ءتىلشى:

حالىقتى شۋلاتىپ، ۋادە بەرگەن مينيسترلەر قاتارىندا تامارا دۇيسەنوۆا حانىم دا بار. لاۋازىمدى شەندى وتكەن ءساۋىر ايىندا ءسۇيىنشى سۇراپ، ورالمانداردىڭ ازاماتتىق الۋىن جەڭىلدەتەمىز دەپ جار سالعان ەدى. جانە جاڭا زاڭ جوباسىن قىركۇيەك ايىندا ءماجىلىستىڭ قاراۋىنا ۇسىنامىز دەگەن بولاتىن. الايدا، جىل اياقتالۋعا جاقىن قالعانىمەن، مينيسترلىك كوشى-قون تۋرالى جاڭا قۇجاتتى ازىرلەگەن دە جوق. ەر جىگىتتەر ەكى سويلەپ جاتقاندا، تامارا حانىمعا كەشىرىممەن قاراۋ كەرەك پە؟ ءوزىڭىز شەشىڭىز.

گۇلبانۋ ءانيات قىزى، سانات يمانعاليەۆ.

31-ارنا