قازاق ونەرىنىڭ ساڭلاقتارى: دوسقان قالي ۇلى جولجاقسىنوۆ
الماتى مەملەكەتتىك ونەر ينستيتۋتىن (قازىرگى قازاق ۇلتتىق كونسەرۆاتورياسى) بىتىرگەن (1973) . 1971 -جىلدان قازاق جاستار مەن بالالار تەاترىنىڭ اكتەرى. 1995 - 2001 - جىلدارى وسى تەاتردىڭ ديرەكتورى ءارى كوركەمدىك جەتەكشىسى بولدى. جولجاقسىنوۆ تەاتر مەن كينودا 200 دەن استام بەينەلەردى سومدادى. تەاتردا ويناعان العاشقى ءرولى - ح. ۆاحيتوۆتىڭ «التىن كورسە پەرىشتە جولدان تايادى» سپەكتاكلىندەگى قىلىشبەك (1972) .
بۇدان كەيىن ورىنداعان رولدەرى قاتارىندا سىماتبەك (ج. تاشەنوۆ پەن ي. م. ساۆۆيننىڭ «قالادان كەلگەن قىلجاقباسىندا») ، سىرىم (ر. سەيسەنبايەۆ پەن ە. وبايەۆتىڭ « ءوزىمدى ىزدەپ جۇرمىنىندە») ، قازاقباي (ءا. تارازي مەن ق. ىسقاقوۆتىڭ «اپا، اپاتايىندا») ، سامەت، اقان (ع. مۇسىرەپوۆتىڭ «قازاق سولداتى»مەن «اقان سەرى - اقتوقتىسىندا») ، گلۋموۆ (ا. ن. وستروۆسكيدىڭ «ادام الاسى ىشىندەسىندە») ، ازبەرگەن (ءا. ءتارازيدىڭ «قندەتىندە»، قازاقستاننىڭ مەملەكەت سىيلىعىن، 1996؛ تۇركى تىلدەس حالىقتار تەاترلارى بايقاۋىنىڭ باس جۇلدەسى، قازان، 1998) ، ت. ب. بار. جولجاقسىنوۆتىڭ اكتەرلىك ونەرىنە سەزىم تەرەڭدىگى، ساحنالىق ارەكەت شىنايىلىعى ءتان. اكتەر حالىق اندەرى مەن قازىرگى كومپوزيتورلار اندەرىن شەبەر ورىنداۋشى رەتىندە دە تانىمال. جولجاقسىنوۆ - ۇلتتىق كينو ونەرىنىڭ دامۋىنا ەلەۋلى ۇلەس قوسقان اكتەرلەردىڭ ءبىرى. اسكەربەك («گاۋھارتاستا»، 1976) ، حاميت («دالاداعى قۋعىندا»، 1979) ، مۇرات («التىن كۇزدە»، 1979) ، مۇندىزباي («اق بارىستىڭ ۇرپاعىندا»، 1984, سوڭعى ەكەۋى «قىرعىزفيلمدە») ، ءداۋىر («ومپادا»، 1997) ، «ءبىرجان سال» كينوسىندا ءبىرجاننىڭ رولىن ءساتتى سومدادى، ت. ب. رولدەرى ارقىلى جولجاقسىنوۆ دارىندى كينواكتەر رەتىندە كەڭىنەن تانىمال بولدى. قازاقستان لەنين كومسومولى سىيلىعىنىڭ يەگەرى (1982) .
