ادام ساۋداسىنا قاتىستى قىلمىستار سانى ارتىپ كەلەدى
وسىعان بايلانىستى ەلباسى جولداۋىندادام ساۋداسى مەن ايەلدەر جانە بالالارعا قاتىستى كەزكەلگەن زورلىق-زومبىلىقتىڭ جولىن كەسۋ كەرەكتىگىن ەسكەرتىپ، قولدانىستاعى زاڭنامانى جەتىلدىرۋ تۋرالى تاپسىرما بەرگەن.
وسىعان سايكەس پرەزيدەنت جانىنداعى ادام قۇقىقتارى جونىندەگى كوميسسيانىڭ ساراپشىلار كەڭەسى ارنايى بايانداما جوباسىن ازىرلەپ، تالقىعا سالدى. ۇكىمەتتىك ەمەس ۇيىمدار مەن حالىقارالىق كوشى-قون ۇيىمىنىڭ قازاقستانداعى وكىلدىگىمەن بىرلەسىپ دايىندالعان باياندامادا نەگىزگى ەكپىن ايەلدەر مەن بالالار ساۋداسىنا بايلانىستى قىلمىستاردىڭ الدىن الۋعا جانە ادام ساۋداسىنىڭ قۇرباندارىنا كەشەندى ارنايى الەۋمەتتىك قىزمەت كورسەتۋگە ارنالعان.
تاستەمىر ابىشەۆ، ق ر پرەزيدەنتىنىڭ جانىنداعى ادام قۇقىقتارى جونىندەگى كوميسسيانىڭ حاتشىسى:
- جالپى ءبىزدىڭ ۇلتتىق زاڭناما وسى ادام ساۋداسىنا قارسى ءارى حالىقارالىق تالاپقا سايكەس. تەك الەۋمەتتىك كومەك الۋ جاعىنان عانا ءبىزدىڭ زاڭناما مەن تاجىريبەمىز قالىس قالىپ وتىر. وسىعان وراي ادام ساۋداسىنىڭ قۇربانى بولعان جانە جاپا شەككەن ادامداردىڭ بارلىعى ءوزىنىڭ مارتەبەسىنە قاراماي، الەۋمەتتىك كومەكتى الۋعا قۇقىقتارى بار.
24.kz
