عىلىمدى قولداۋ
مۇنداي مالىمدەمەنى الماتىعا كەلگەن جۇمىس ساپارى بارىسىندا مەملەكەت باسشىسى نۇرسۇلتان نازاربايەۆ جەتكىزدى.
پرەزيدەنتتىڭ ايتۋىنشا، مۇنداي قادامدار رەسپۋبليكادا عىلىمنىڭ قارىشتاپ دامۋىنا ايرىقشا سەرپىن بەرەدى.
قازاقستان الەمدىك زياتكەرلىك مەنشىك ۇيىمىنىڭ ەسەبى بويىنشا 140 مەملەكەتتىڭ ىشىندە 42 ورىنعا كوتەرىلىپتى. بۇل تۋرالى الماتىعا ارنايى كەلىپ، عىلىمي ورتادا باس قوسقان ەل پرەزيدەنتى نۇرسۇلتان نازاربايەۆ ايتتى. سوڭعى بەس جىلدا يننوۆاتسيالىق زەرتتەۋلەردى مەملەكەت تاراپىنان قولداۋ ءۇش ەسەگە ۇلعايىپ، 50 ميلليارد تەڭگە قارجى بولىنگەن.
نۇرسۇلتان نازاربايەۆ، قازاقستان رەسپۋبليكاسىنىڭ پرەزيدەنتى:
ەلدىڭ ءبارى عالىم بولا بەرمەيدى، ەلدىڭ ءبارى تاپقىش بولا بەرمەيدى. سونىڭ ىشىنەن تالانتتى جاستاردى سابيلەرگە دەيىن ىزدەپ تاۋىپ، وقىتىپ، عىلىمعا، بىلىمگە باۋلۋىمىز كەرەك. سول جاڭالىقتاردى تاپساق، سولاردىڭ ارقاسىندا وندىرىسكە جاساساق، سوندا وسەتىن بولامىز.
سونىمەن قاتار، ەلباسى الماتىدا وتكەن يننوۆاتسيالىق جوبالار كورمەسىن دە تاماشالادى. وندا مەملەكەت باسشىسىنا وتاندىق ونەرتاپقىشتار مەن عالىمداردىڭ كەيبىر جاڭالىقتارى تانىستىرىلدى. ينۆەستيتسيا جانە دامۋ مينيسترلىگى ۇيىمداستىرعان بۇل شارانى ەلىمىزدەگى الىڭعى قاتارلى كومپانيالار قولداپ، سەرىكتەس بولدى. سولاردىڭ ءبىرى - كسەلل كومپانياسى.
ەريك حالبەرگ، "TeliaSonera Eurasia" كومپانياسىنىڭ پرەزيدەنتى:
كسەلل قازاقستانداعى ەڭ ءىرى ۇيالى بايلانىس وپەراتورى رەتىندە رەسپۋبليكاداعى يننوۆاتسيالىق دامۋعا قوماقتى ۇلەس قوسا الادى. وسى باعىتتا قوعام بولىپ ات سالىسسا، كۇش بىرىكتىرسە، ناتيجە بولادى. بولاشاقتا ەل ءۇشىن ماڭىزدى بولىپ، باعاسى ارتاتىن جوبالار وسىلاي پايدا بولادى.
سوڭعى جىلدارى قازاقستاندا 3500 دەن استام عىلىمي جوبالار پايدا بولعانىن اتاپ ءوتۋ كەرەك. سونىڭ 600 دەن استامى مەملەكەت تاراپىنان قولداۋعا يە بولدى. ال ەلدەگى وزىق بايلانىس وپەراتورى سانالاتىن كسەلل كومپانياسى بولاشاقتا دا وسىنداي ءىرى عىلىمي جوبالارعا سەرىكتەس بولا بەرمەك.
31-ارنا
