رەسەيدىڭ اسكەري ۇشاقتارى نە ىستەپ ءجۇر؟
باسپا ءسوز قىزمەتىنىڭ ماماندارى العاشىندا رەسەيدىڭ ت ۋ-95 جانە ت ۋ-22 اسكەري ۇشاقتارى ەل شەكاراسىن كەسىپ وتكەنى، بۇل ۇشاقتاردى انىقتاۋ ءۇشىن اۋەگە ناتو-نىڭ F-16 جويعىش ۇشاقتارى كوتەرىلگەنى تۋرالى مالىمەتتەر تاراتقان بولاتىن.
الايدا، كەيىننەن قارۋلى كۇشتەردىڭ تۆيتتەردەگى پاراقشاسىندا رەسەيدىڭ ءۇش ت ۋ-134 جانە ا ن-72 ۇشاعى شەكارادان وتكەنى، ولاردى ۇستاۋ ءۇشىن CF-188 جويعىش ۇشاقتارى كوتەرىلگەنى تۋرالى ناقتى اقپارات رەسمي تۇردە جاريالاندى. اراعا ەكى ساعات سالىپ، ەكى ت ۋ-134 جانە ءبىر ا ن-72 ۇشاعىنىڭ ۇستالعانى جايلى اقپارات تارادى.
ال 6- جەلتوقساندا لاتۆيا قارۋلى كۇشتەرى بالتىق تەڭىزىندە ەل شەكاراسىنا جاقىن ماڭدا رەسەيدىڭ اسكەري تەڭىز كۇشتەرى كەمەلەرىنىڭ جۇرگەنىن حابارلاعان ەدى.
سونىمەن قاتار، ەستونيانىڭ باس شتابى سەنبى كۇنى بالتىق تەڭىزىنىڭ ۇستىندە رەسەي فەدەراتسياسىنىڭ بىرنەشە اسكەري ۇشاعى ۇشىپ وتكەنىن، ودان بولەك بالتىق جاعالاۋى ەلدەرىنىڭ قارۋلى كۇشتەرى رەسەيدىڭ ستراتەگيالىق جويعىش ۇشاقتارىن انىقتاعانىن جارىسا حابارلادى. الايدا، بۇل ەلدەردىڭ ەشبىرى دە رەسەيلىك اسكەري ۇشاقتاردىڭ بۇل ەلدەردىڭ اۋماقتارىندا نە ءۇشىن جۇرگەنىن بىلە الماي وتىر.
