11:18, 08 - جەلتوقسان 2014 | GMT +5
رەسەي - كەي ەلدەرگە ە و- مەن جاقىنداسۋعا بوگەت جاساپ وتىر- گەرمانيا كانتسلەرى انگەلا مەركەل
استانا. قازاقپارات -گەرمانيا كانتسلەرى انگەلا مەركەل گەرمانيالىق Die Welt گازەتىنە بەرگەن سۇحباتىندا رەسەيدى «ە و- مەن جاقىنداسۋعا نيەت ەتكەن كەي ەلدەردىڭ ىشكى ىسىنە ارالاسىپ وتىر» دەپ ايىپتادى.
ە و- مەن سەرىكتەستىك كەلىسىمىن جاساۋعا مولدوۆا، گرۋزيا جانە ۋكراينا شەشىم قابىلداعان. مەركەل پريدنەستروۆە، ابحازيا، وڭتۇستىك وسەتيا جانە ۋكرايناداعى رەسەي ىقپالىمەن پايدا بولعان «سوزىلمالى قاقتىعىستار» تۋرالى دا ايتقان.
گەرمانيا كانتسلەرى «ماسكەۋ بالقان تۇبەگىنىڭ باتىسىنداعى ءبىرقاتار ەلدەردى وزىنە ەكونوميكالىق جانە ساياسي تۇرعىدا تاۋەلدى ەتكىسى كەلەدى» دەگەن.
بالتىق ەلدەرى تۋرالى ايتقان مەركەل «بۇل جەردە سوعىس قاۋپى جوق» دەگەن. ءبىراق ول ناتو كەلىسىمىنىڭ 5- بابىن ەسكە سالىپ، سولتۇستىك اتلانتيكالىق وداقتىڭ ءبىر مۇشەسىنە جاسالعان شاۋبىل تۇتاس ۇيىمعا شابۋىل دەپ تانىلاتىنىن، كەرەك بولعان جاعدايدا بۇل ەلدەرگە اسكەري كومەك بەرىلەتىنىن ەسكەرتكەن.
«ازاتتىق»
