ادام ەشقاشان شىرىمەيتىن رۋحىنا ەش كۇتىم جاسامايدى
ادام دۇعا جاساۋعا 10 مينۋتىن كوپ كورەدى، ءبىراق ءبىر كينو نەمەسە فۋتبول ويىنىن قاراۋعا 1,5 ساعاتتىڭ ءوزى از سياقتى كورىنەدى...
فۋتبولعا قوسىمشا ۋاقىتتىڭ بەرىلۋىنە قۋانادى، ال جۇما نامازى كەزىندە وقىلاتىن ۋاعىزدىڭ قوسىمشا بىرنەشە مينۋتقا سوزىلعانىنا اشۋلانادى...
ادام بىرەۋدەن ەستىگەن وسەككە تەز سەنىپ قالادى، ءبىراق تۋرالىعى كۇمان كەلتىرمەيتىن كەي نارسەنى مويىنداعىسى كەلمەيدى...
ادام ءبىر ساعاتىن عيبادات جاساپ مەشىتتە وتكىزسە، ول ۋاقىت توقتاپ قالعانداي بولادى، ءبىراق تەلەديدار الدىندا قانشا ساعات وتىرسا دا ۋاقىتتىڭ زىمىراعانىن سەزبەيدى...
ادام ناماز وقىعان كەزدە عيبادات جاساعان كەزدە دۇنيەلىك نارسەلەردى كوپ ويلايدى، ءبىراق دۇنيەلىك ىستەرمەن اينالىسقاندا يسلام تۋرالى ەش ويلامايدى...
ادامعا ءبىر سۇرەنى جانە ونىڭ ماعىناسىن وقۋ قيىنعا سوعادى، ءبىراق ءبىر روماندى وقۋعا ەش قينالمايدى...
ادام كونسەرتكە بارسا ەڭ الدىنعى قاتارلاردا وتىرۋعا تىرىسادى، ءبىراق مەشىتتە نامازدان كەيىن تەز شىعىپ كەتەيىن دەپ، ەڭ سوڭىنا وتىرۋعا تىرىسادى...
ادام ءبىر ايات نەمەسە حاديس جاتتاۋعا قيىن دەيدى، ءبىراق ۇزدىك 10 ءانشىنىڭ ولەندەرىن جاتقا بىلەدى...
ادام ءبىر ءدىني اڭگىمە ءۇشىن ۋاقىت تاپپايدى، ءبىراق دۇنيەلىك ىستەر ءۇشىن ۋاقىتى كوپ بولادى...
ادام ءدىني اڭگىمەلەردى تىڭداۋعا، ايتۋعا قىزىقپايدى، ءبىراق وسەكتى تىڭداپ، باسقاعا ايتۋدان ەشقاشان جالىقپايدى...
ادام ءجانناتقا بارۋدى ارماندايدى، ءبىراق ول ءۇشىن ەشنارسە جاساعىسى كەلمەيدى...
ادام كۇندە بىرەۋدىڭ قايتىس بولعانى جايلى حابار الادى، ءبىراق سوندا دا ءوزىنىڭ ءبىر كۇنى قايتىس بولاتىنىن ويلامايدى...
ادام ءبىر كۇنى ءشىرىپ كەتەتىن دەنەسىن جاقسى فورمادا ساقتاۋ ءۇشىن نە جەگەنىن قاداعالاپ جۇرەدى، ءبىراق ەشقاشان شىرىمەيتىن رۋحىنا ەش كۇتىم جاسامايدى...
ديدار بەگاليەۆ
Facebook-تەگى پاراقشاسىنان
