09:17, 08 - جەلتوقسان 2014 | GMT +6
مينيستر پويىزدىڭ استىندا قالدى
استانا. قازاقپارات - ماروككودا جول اپاتى سالدارىنان مەملەكەتتىك مينيستر ابداللا باحا قازا بولدى، دەپ حابارلادى ر ب ك.
بۇل وقيعا كورولدىك استاناسى - رابات قالاسىنىڭ شەت جاعىندا، وسىعان دەيىن سوتسياليستەر كوشباسشىسى، پارلامەنتاريي احماد زايدي سۋعا كەتكەن جەردە بولدى. مينيستر بۋنزيكە ەلدى مەكەنىنە ساياساتكەردىڭ قازا بولعان جەرىن قاراۋعا كەلىپ، ءوزى دە پويىزدىڭ استىنا ءتۇستى.
ماماندىعى بويىنشا اگرونوم 60 جاستاعى باحا 2004 - جىلدان بەرى ماروككونىڭ ادىلەت جانە دامۋ پارتياسى باس حاتشىسىنىڭ ءبىرىنشى ورىنباسارى قىزمەتىندە بولدى.
وسى وقيعاعا بايلانىستى باسقا مالىمەتتەر بەرىلمەدى. قازىر فرانسيادا جەكە ساپارمەن جۇرگەن پرەمەر- مينيستر ابدەليلا بەنكيران ماروككوعا جەرلەۋ راسىمىنە كەلەدى دەپ كۇتىلۋدە.
