مينيستر اجالدان امان قالدى - كەسكىن

استانا. قازاقپارات - سەربيانىڭ ەنەرگەتيكا ءمينيسترى الەكساندر انتيچتىڭ باسىنا اعاشقا قاتقان مۇز قۇلاپ، ونى كاسكاسى اجالدان امان الىپ قالدى، دەپ جازادى شەتەلدىك ب ا ق.

وقيعا ءمينيستردىڭ ەلدىڭ شىعىس وڭىرلەرىنىڭ بىرىنە جۇمىس ساپارى كەزىندە ورىن العان. ودان بىرنەشە كۇن بۇرىن بۇل وڭىردە بۇرشاق ارالاس جاڭبىر جاۋعان كورىنەدى. شەنەۋنىك جۋرناليستەرگە سۇحبات بەرىپ تۇرعان كەزىندە باسىنا ۇلكەن مۇز كەسەگى ءدال تۇسكەنى بەينەتاسپادا ايقىن كورىنىپ تۇر.

ءبىراق بولعان جايتقا بولا ول سۇحباتىن ۇزگەن جوق. كەرىسىنشە وسىنداي اپاتتى جاعدايدا جۇمىس ىستەپ جۇرگەن ەنەرگەتيكتەردىڭ جۇمىسىن باعالاۋ كەرەكتىگىن ايتقان.

كەيىننەن مينيستر ءوزىنىڭ Twitter- دەگى پاراقشاسىندا: «مەن ءدىن امانمىن، ال كاسكا زاقىمداندى»، - دەپ جازدى.