لوندوندا الەمدەگى ەڭ ءىرى باتۋت ورناتىلماق

استانا. قازاقپارات - لوندون قالاسىنىڭ ماڭىنداعى ەلدى مەكەندەردىڭ تۇرعىندارى تاياۋ ارادا قالا ورتالىعىنداعى جۇمىس ورىندارىنا الەمدەگى ەڭ ءىرى باتۋتتىڭ كومەگىمەن-اق جەتە الاتىن بولادى.

لوندوندا الەمدەگى ەڭ ۇلكەن باتۋتتى سالۋ جوباسى ازىرلەندى. جوباعا بريتاندىق استانانىڭ ءمەرى بوريس دجونسون قولداۋ كورسەتۋدە، ونى قارجىلاندىرۋدىڭ ءبىر بولىگى سالىق تولەۋشىلەر ەسەبىنەن جۇزەگە اسپاق، دەپ حابارلايدى iTV.

«Bounceway» قۇرىلىمى قالاداعى ەڭ ۇزىن باتۋت بولماق، ول «لوندون جانارى» مەن تەمزا وزەنىنىڭ سول جاق جاعالاۋىنا جاقىن ورنالاستىرىلادى.

جاڭا ەكسكليۋزيۆتى جوبا لوندوننىڭ ءدال ورتاسىندا ورنالاستىرىلىپ، سپورتتى، كوتەرىڭكى كوڭىل-كۇيدە ءجۇرۋدى ناسيحاتتاۋعا باعىتتالعان. ءارى، ول كەيبىر تۇرعىندار ءۇشىن كولىكتىڭ ورنىن الماستىرا الادى.

قالانى بۇل قۇرىلىممەن بەزەندىرۋ شاھار ءمەرى بوريس دجونسوننىڭ ازاماتتارعا ارنالعان جاڭا اشىق الاڭدار سالۋ تۋرالى باعدارلاماسىندا قامتىلعان جەتى يدەياسىنىڭ ءبىرى رەتىندە جۇزەگە اسىرىلماق. بۇل ىسكە 2,3 ميلليون ەۋرو قاراجات جۇمسالماق.