قازاقستاندا ءتورت كونفۋتسي ينستيتۋتى قىتاي ءتىلىن تەگىن وقىتۋدا
رەسمي مالىمەتتەرگە سۇيەنسەك، قازىرگى كەزدە الەم بويىنشا ورتا مەكتەپتەردە 851 كونفۋتسي كابينەتتەرى اشىلعان، ولاردا 3,45 ميلليون ادام ءبىلىم الۋدا.
كونفۋتسي ينستيتۋتتارى 2004-جىلى اشىلعان، ولار كوممەرتسيالىق ەمەس ۇيىمدار بولىپ تابىلادى. بۇل ۇيىم شەتەلدەردە قىتاي مادەنيەتى مەن ءتىلىن ناسيحاتتاۋدى ماقسات ەتەدى. بۇگىنگى تاڭدا الەمدە شامامەن 100 ميلليون ادام «پۋتۋنحۋا»- نى («رەسمي ديالەكت») وقىپ-ۇيرەنۋدە، بۇل ون شاقتى جىل بۇرىنعى كورسەتكىشتەرمەن سالىستىرعاندا، 4 ەسە جوعارى.
وتكەن 10 جىل ىشىندە كونفۋتسي ينستيتۋتتارىندا شامامەن 100 مىڭعا جۋىق وقىتۋشىلار، ەرىكتىلەر مەن مەنەدجەرلەر ەڭبەك ەتىپ، جالپى سانى 100 دەن استام ەلدە قىتاي ءتىلىنىڭ 200 مىڭعا جۋىق ۇستازدارى دايارلانعان.
ەستەرىڭىزگە سالا كەتەيىك، قازاقستان بويىنشا كونفۋتسي ينستيتۋتتارى ءال-فارابي اتىنداعى ق ا ز ۇ ۋ-ءىنىڭ، ل. ن. گۋمليەۆ اتىنداعى ە ۇ ۋ- ءىنىڭ (استانا)، اقتوبە مەملەكەتتىك ۋنيۆەرسيتەتىنىڭ جانە قاراعاندى مەملەكەتتىك تەحنيكالىق ۋنيۆەرسيتەتىنىڭ جانىندا جۇمىس جاسايدى.
