اتاقتى ءانشىنىڭ مۇراعاتىنداعى ماحاببات حاتتارى ءباسساۋدادا ساتىلدى

استانا. قازاقپارات - بيەۆەرلي- حيللزداعى Julien's ءباسساۋداسىندا بەيسبولشى دجو دي مادجيونىڭ اتاقتى ءانشى ءارى اكتريسا مەريلين مونروعا جازعان ماحاببات حاتتارى ساتىلدى. لوتتىڭ قورىتىندى ناتيجەسى 78 مىڭ دوللاردى قۇرادى،

 دەپ حابارلايدى Associated Press.

حات ەرلى- زايىپتى دي مادجيو مەن مونرونىڭ اجىراسار ساتىندە جازىلعان. وندا بەيسبولشى مەريلينمەن اجىراسقىسى كەلمەيتىنىن، تاعى ءبىر مۇمكىندىك بەرۋىن سۇراعان.

ايتا كەتەيىك، بۇدان بۇرىن مونرونىڭ ءۇشىنشى كۇيەۋى ارتۋر ميللەرگە جازعان حاتى 43 مىڭ دوللارعا ساتىلعان بولاتىن.

 1962 - جىلى 36 جاسىندا ەسىرتكىنى شامادان تىس قولدانۋدان كوز جۇمعان مونرو ءوزى جيناپ جۇرگەن حاتتار كوللەكتسياسىن ۇستازى لي ستراسبەرگكە اماناتتاپ كەتكەن بولاتىن. ول ءۇش اداممەن، دجيم دوگەرتي، دجو دي مادجيو جانە ارتۋر ميللەرمەن تۇرمىس قۇرعان.

 اۆتور: ءابۋ- اسقار مەكەش ۇلى