ايتىس پەن ناۋرىز مەيرامى يۋنەسكو تىزىمىنە ەنۋى مۇمكىن
نەگىزى مۇنداعى حالىق فرانسۋز، گوللاند جانە نەمىس تىلدەرىندە سويلەيدى. ءبىراق مۇنداي تىلدىك ءارالۋاندىق فريگە كەلگەندە كەدەرگى ەمەس.
جەرگىلىكتى تۇرعىنداردىڭ ايتۋىنشا، فري بەلگيالىقتاردى بىرىكتىرەتىن سيمۆولعا اينالعان. بەرنار لەفيەۆر، قۋىرىلعان كارتوپ وندىرۋشىلەر قاۋىمداستىعىنىڭ پرەزيدەنتى - بۇل تەك جاقسى تاعام عانا ەمەس، سونداي- اق ءبىزدىڭ ءومىرىمىزدىڭ سالتى دا. بۇل تاماقتى مەنشىكتەپ «بەلگيالىق» دەپ ايتۋىمىزعا بولادى. ءبىراق ەرتە مە، كەش پە جوعالۋ قاۋپى دە جوق ەمەس. سوندىقتان قولدا باردى باعالاپ، كەيىنگى ۇرپاققا جەتكىزە ءبىلۋ كەرەك.
بيىل يۋنەسكو- نىڭ ماتەريالدىق ەمەس مادەني مۇرا تىزىمىنە بارلىعى 34 جاڭا اتاۋ ەنگىزىلدى. جاقىندا عانا ارميانداردىڭ ۇلتتىق تاعامى لاۆاش الەمدىك باعدارلامانىڭ قامقورلىعىنا الىنعان بولاتىن. بۇدان باسقا برازيليانىڭ ءبيى مەن توبەلەسى ارالاسقان ونەر ءتۇرى كاپوەيرا دا الەم حالىقتارىنىڭ ورتاق قازىناسىنا اينالدى.
زور ماقتانىشپەن ايتا كەتەيىك، يۋنەسكو- نىڭ بيىلعى تىزىمىنە قازاقتىڭ كيىز ءۇيى مەن دومبىرامەن كۇي تارتۋ ونەرى دە ەنگىزىلدى. قازاق ەلى مۇنىمەن عانا شەكتەلىپ قالماق ەمەس. الداعى ۋاقىتتا تەكتى ءسوزدىڭ تورەسى - ايتىس، ۇلتتىق جاڭا جىلىمىز - ناۋرىز مەيرامى مەن بۇركىتپەن اڭعا شىعۋ سالتىمىز دا يۋنەسكو- نىڭ مارتەبەلى تىزىمىنە ەنىپ قالۋى ابدەن مۇمكىن.
