دارىگەرلەر باراك وباماعا دياگنوز قويدى
«پرەزيدەنت دياگنوزى قىشقىلدىق رەفليۋكسكە ءتان جۇمساق ۇلپالاردىڭ قابىنۋى»، - دەپ اتاپ ءوتتى مەملەكەت باسشىسىنىڭ ەمدەۋشى دارىگەرى رونني دجەكسون.
ول وبامانىڭ سوڭعى ەكى اپتا بويى تاماعىنىڭ اۋىرعانىن اتاپ ءوتتى. ونىڭ ايتۋىنشا، مەملەكەت باسشىسىنا ءتيىستى ەم تاعايىندالادى.
6 - جەلتوقسان كۇنى وباما دارىگەردىڭ كەڭەسىمەن ۋولتەر ريد اتىنداعى ا ق ش قارۋلى كۇشتەرىنىڭ مەديتسينالىق ورتالىعىنا كورىنۋگە باردى. ەمحانادا دجەكسوننىڭ قاتىسۋىمەن ونىڭ تاماعىن وتولارينگولوگ مامانى قاراپ شىعىپ، ودان كەيىن مەملەكەت باسشىسىنا كومپيۋتەرلىك توموگرافيا جاسالدى. CNN- ءنىڭ اتاپ وتۋىنشە، قارالۋ 28 مينۋت ۋاقىتتى العان.
ا ق ش- تىڭ بارلىق پرەزيدەنتتەرى ءۇشىن مىندەتتى مەديتسينالىق قارالۋدان وباما اعىمداعى جىلدىڭ مامىر ايىندا وتكەن بولاتىن. وندا دجەكسون 53 جاستاعى پرەزيدەنتتىڭ دەنساۋلىعىنىڭ جاقسى ەكەنىن ايتتى. مەملەكەت باسشىسىنىڭ جاقسى فيزيكالىق قالپىندا بولۋىن ول كۇندەلىكتى جاسايتىن دەنە شىنىقتىرۋمەن، جاقسى تاماقتانۋمەن جانە تەمەكى شەگۋدەن باس تارتۋمەن تۇسىندىرگەن.
