كاتوليكتەر شاريعاتپەن ءومىر كەشۋگە كوشتى
اچەح - يندونەزياداعى 34 پروۆينتسيانىڭ ىشىندەگى شاريعات زاڭدارىمەن جۇرەتىن جالعىز ايماق. ۇستىمىزدەگى جىلدىڭ قىركۇيەك ايىنا دەيىن نەكەسىز بەن گوموسەكسۋالدىق قاتىناس زاڭمەن جازالانبايتىن بولعان ەدى. ەندى شاريعات تىيىمدارىن بۇزعاندارعا ايىپپۇل سالىنىپ نەمەسە اباقتىعا جابۋعا تولىق نەگىز بار. سونداي- اق، الكوگولدى ىشىمدىك ساتقاندار مەن قولدانۋشىلار دا جازادان تىس قالمايدى.
Amnesty International اتتى قۇقىقتىق ۇيىم اچەحتەگى جاڭا زاڭ جوباسى بويىنشا نارازىلىق تانىتىپ، قارسىلىق كورسەتكەن بولاتىن. الايدا، زاڭ شىعارۋشىلاردىڭ قاۋىپتەنۋى ۇزاققا سوزىلمادى. جەرگىلىكتى كاتوليك دىنىدەگىلەر شاريعات تالاپتارىمەن ءجۇرىپ- تۇرۋعا ەش قارسىلىق تانىتقان جوق.
«ءالى بىردە- ءبىر كاوليك دىنىندەگىلەر شاريعات زاڭىن بۇزىپ كورگەن جوق. وسىلاي جالعاسا بەرەتىنىنە ءۇمىتتىمىز»، - دەيدى اچەحتەگى كاتوليكتىك شىركەۋ پاستورى حەرمانۋس ساحار.
